काठमाडौं (हाम्रो खेलकुद)– त्रिभुवन आर्मी क्लबले अग्रता जोगाउन नसक्दा कतार एयरवेज सहिद स्मारक ए डिभिज लिगमा मंगलबार संकटा क्लबसँग १–१ को बराबरीमा चित्त बुझाउनुपरेको छ ।दशरथ रंगशालामा भएको खेलको दोस्रो हाफ आर्मीका लागि सुखद रहेन ।

५२ औं मिनेटमा १० खेलाडीमा सिमित हुनुप¥यो । टोलीले गोल खानुपर्यो । मैदान प्रवेश गरेको केहि समयमै कप्तान भरत खवास घाइते भए । पहिलो हाफमा नवयुग श्रेष्ठको गोलमा आर्मीले अग्रता लिएको थियो ।

२९ औं मिनेटमा पेनाल्टी बक्समा प्राप्त बललाई नवयुगले हेडमार्फत गोलमा परिणत गरेका थिए । ५२ औं मिनेटमा आर्मी १० खेलाडीमा सिमित भयो । युद्ध शाहीले दोहोरो पहेलो कार्डको सामना गर्दै मैदान छाडेपछि आर्मीमा १ खेलाडी कम भयो ।

५५ औं मिनेटमा आर्मीले गोलको सामना ग¥यो । पेनाल्टी बक्समा बल सुमन अर्यालले ह्यान्ड गरेपछि संकटाले पेनाल्टी पाएको थियो । अमित तामाङले पेनाल्टीमा बराबरी गोल गरे । ८० औं मिनेटमा गोलकर्ता नवयुगको ठाँउमा मैदान प्रवेश गरेको केहि क्षणमै भरत घाइते भएका थिए ।

सानमिगेल मछिन्द्र क्लबलाई २ अंकले पछाडि पार्ने मौका आर्मीले गुमाएको छ । बराबरीपछि आर्मी र मछिन्द्रको समान १३ अंक भएको छ । आर्मीको बराबरीले मछिन्द्र, मनाङ मस्र्याङ्दी क्लब, रुस्लान थ्री स्टारलाई फाइदा पुगेको छ ।

छैटौं चरणको समाप्तीमा आर्मी र मछिन्द्रको समान १३ अंक, मनाङको १२ र थ्री स्टारको १० अंक छ । समान अंक भएपछि मछिन्द्र शीर्ष स्थानमा र आर्मी दोस्रो स्थानमा यथावत रहेको छ ।