काठमाडौं (हाम्रो खेलकुद)– रुस्लान थ्री स्टार क्लबले कतार एयरवेज सहिद स्मारक ए डिभिजन लिगमा लगातार दोस्रो जित हासिल गरेको छ ।

दशरथ रंगशालामा शनिबार एपिएफलाई १–० ले हराउँदै थ्री स्टारले दोस्रो जित आत्मसात गरेको हो । तेस्रो चरणको समाप्तीमा थ्री स्टार अंक तालिकाको दोस्रो स्थानमा उक्लेको छ ।

३ खेलमा थ्री स्टार ७ अंकका पुगेको छ । ६ अंक जोडेको मछिन्द्र तेस्रो स्थानमा झरेहेको छ । मनाङ मस्र्याङ्दी क्लब ९ अंकसहित शीर्षस्थानमा छ ।

राष्ट्रिय टोलीका सदस्य समेत रहेका रक्षक अनन्त तामाङले खेलको १५ औं मिनेटमा गरेको गोलको निर्णायक बनेको थियो ।
मिक्छेन तामाङले झन्डै २५ यार्ड टाढाबाट प्रहार गरेको फ्रिकिकमा अनन्तले हेड गोल गरेका थिए । सुमन श्रेष्ठलाई एपिएफका खेलाडीले फाउल गरेपछि थ्री स्टारले फ्रिकिक पाएको थियो ।

त्यसअघि एपिएफका प्रविण स्याङ्तानले प्रहारलाई थ्री स्टारका विदेशी गोलरक्षक प्रिसोले जोगाएका थिए । १० औं मिनेटमा थ्री स्टारका सुशील राईको पासमा हम्जाताको प्रहार पोष्ट नजिकबाट बाहिएको थियो । यसअघिको जितमा सुशीलले गोल गरेका थिए ।

३० औं मिनेटमा मिक्छेनको कर्नरमा कप्तान विक्रम लामाको हेडर बाहिरियो । ३६ औं मिनेटमा दिपेश घलेको बक्स बाहिरको सशक्त प्रहार क्रस बारमा लागेर बाहिरिदा थ्री स्टारले अग्रता दोब्बर पार्ने अवसर खेर फाल्यो ।

६४अाैं मिनेटमा कप्तान नवीन लामाकाे फ्रिकिक पाेष्टबाट अाकासिदा एपीएफले खेललाई बराबरी गर्ने अवसर खेर फाल्याे । ७४अाैं मिनेटमा कप्तान विक्रमको प्रहार एपीएफका गाेलरक्षक अमृत चाैधरी ले मुस्किलले बचाउदा थ्री स्टारले अग्रता दाेब्बर पार्नबाट चुक्याे ।

७७अाैं मिनेटमा थ्रीस्टारका सुशीलको प्रहारले पाेस्टकाे दिशा लिन सकेन । ८५अाैं मिनेटमा मिक्छेनको फ्रिकिक क्रसबारमा लागेर फर्कदा थ्री स्टार चुक चुकायाे । ९०अौं मिनेटमा एपीएफका अाशिष लामाकाे फ्रिकिक पाेष्टबाट थाेरै बाहिरिदा बराबरीबाट चुक्याे ।

पहिलो खेलमा जावलाखेलविरुद्ध गोलरहित बराबरीमा रोकिएको थ्री स्टारले दोस्रो राउन्डमा विभागीय नेपाल पुलिस क्लबको चुनौती १–० ले पाखा लगाएको थियो । एपिएफले जारी लिगमा दोस्रो हारको सामना गरेको छ ।

पहिलो खेलमा साविक विजेता मनाङसँग २–० ले पराजित भएको एपिएफ दोस्रो खेलमा यति हिमालयन शेर्पासँग १–१ गोलको बराबरीमा रोकिएको थियो । ३ खेलमा एपिएफको १ अंक छ । लिगमा आइतबार कुनै पनि खेल छैनन् ।