काठमाडाैं (हाम्राे खेलकुद) – कतार एयरवेज सहिद स्मारक ‘ए’ डिभिजन लिगमा सानमिगेल मछिन्द्र क्लबले विजयी सुरुवात गरेकाे छ । मछिन्द्रले ब्रिगेड ब्वाइज क्लब (बीबीसी) माथि २-० काे जित निकाल्दै विजयी सुरुवात गरेकाे हाे ।

मछिन्द्रकाे जितमा याेगेश गुरुङ र दीपक राईले गाेल गरे ।
सातदाेबाटाेस्थित एन्फा कम्प्लेक्सकाे खेल मैदानमा शनिबार भएकाे खेलमा याेगेश गुरुङकाे गाेलबाट खेलमा अग्रता लिएकाे हाे । ३०अाैं मिनेटमा विशाल राईकाे फ्रिकिकमा याेगेशले गाेल गरेका हुन् । पेनाल्टीबक्सबाहिर प्राप्त फ्रिकिक क्रसबारमा लागेर फर्किएपनि पाेस्ट नजिक अनमार्क रहेका याेगेशले हेडमार्फत गाेल गर्दै अग्रता दिलाए ।

त्यसअघि १४अाैं मिनेटमा रन्जित धिमालकाे फ्रिकिक पाेस्टबाट थाेरै बाहिरिएकाे थियाे । १९अाैं मिनेटमा रन्जितकाे बक्स बाहिरकाे फ्रिकिक पाेलमा लागेर फर्कदा मछिन्द्र अग्रता लिनबाट चुकेकाे थियाे ।

बीबीसीले मछिन्द्रकाे पाेस्टमा उल्लेख्य आक्रमण बुन्न सकेन । २८अाैं मिनेटमा कप्तान अनिल गुरुङ बक्सभित्रकाे प्रहार डिफेन्डरले ब्लक गरिदिएका थिए ।

४९अाैं मिनेटमा मछिन्द्रले अग्रता दाेब्बर बनायाे । बक्सभित्रकाे सशक्त प्रहार गाेलमा परिणत हुदा बीबीसीका गाेलरक्षक विशाल सुनारले राेक्ने कुनै माैका नै पाएन । ७४अाैं मिनेटमा राेशन रानामगरकाे फ्रिकिकमा पृथ्वी चाैधरीकाे प्रहार अाकासिएकाे थियाे ।

लगत्तै अनिल गुरुङकाे प्रहार पाेस्टबाट थाेरै बाहिररिदा बीबीसीले अगता घटाउने माैका खेर फाल्याे । ८८अाैं मिनेटमा जय गुरुङकाे प्रहार गाेलरक्षक विशाल श्रेष्ठले मुस्किलले पञ्च गर्दै बचाए । त्यसपछि थप गाेल निस्कन नसक्दा मछिन्द्र २-० ले विजयी हुन सफल भयाे ।

जितसँगै मछिन्द्रले २ अंक जाेडेकाे छ । अघिल्लाे सिजन १३अाैं स्थानमा रहेपछि एन्फाले मछिन्द्रकाे १ अंक घटाएकाे हाे । बीबीसीले अंक जाेड्न सकेनन् ।

मछिन्द्रका विशाल राई खेलकाे म्यान अफ दि म्याच घाेषित भए । उनले १० हजार रुपैपा पाए । लिगमा अाइतब कुनै खेल हुने छैन ।