एजेन्सी – लेस्टर सिटीले यो सिजन उच्च प्रदर्शनलाई निरन्तरत दिदा आइतबार राति एस्टन भिल्लामाथि सानदार जित दर्ता गरेको छ । लेस्टरले घरेलु टोली एस्टन भिल्लामाथि ४–१ को सानदार जित निकालेको हो ।

जितसँगै लेस्टर सिटीले शीर्षस्थानमा रहेको लिभरपुललाई पछ्याइरहेको छ । लेस्टरको १६ खेलबाट ३८ अंक जोडेको छ । शीर्षस्थानको लिभरपुलको समान खेलबाटै ४६ अंक छ । जुन ८ अंकको कम हो । यस्तै लेस्टरले साविक विजेता म्यानचेस्टर सिटीलाई ६ अंकले पछि पारेको छ ।

भिल्ला पार्क बर्मिङहमा लेस्टरलाई जिताउन जेमी भार्डीले दुई तथा केलिची इह्यान्चो र जोनी इभान्सले गोल गरे । घरेलु टोलीका ज्याक ग्रियलिसले एक गोल गरे । खेलको २०औं मिनेटमा भार्डीको गोलबाट लेस्टरले अ‍ेदमा अग्रता बनाएको थियो । ४१औं मिनेटमा केलिचीले अग्रता दोब्बर पारे । पहिलो हाफमो इन्ज्युरी समयमा घरेलु टोलीका ज्याकले एक गोल फर्काए ।

४९औं मिनेटमा जोनीले गोल गरेपछि लेस्टरले खेलमा ३–१ को अग्रता बनायो । ७५औं मिनेटमा भार्डीले व्यक्तिगत दोस्रो गोल गर्दै लेस्टरलाई ४–१ को सानदार जित दिलाए । हारसँगै एस्टन भिल्ला १५ अंक जोडेर १७औं स्थानमा छ ।

आइतबार राति नै न्यु क्यासलले साउथह्याम्पटनलाई तथा सेफिल्डले नर्विच सिटीलाई समान २–१ ले पराजित गर्दा ब्राइटन र वल्भ्सले २–२ गोलको बराबरी खेल्दै अंक बाँडे ।