एजेन्सी – लन्डन क्लब आर्सनलले आफ्ना मुख्य प्रशिक्षक युनाई इम्रीलाई बर्खास्त गरेको छ । यो सिजन लगातार खराव प्रदर्शन गरेपछि क्लबले युनाईलाई शुक्रबार बर्खास्ती गरेको हो ।

इम्री १८ महिनाअघि फ्रेन्च क्लब (पीएसजी) बाट लन्डन क्लब आर्सनलको प्रशिक्षक बनेका थिए । बिहीबार राति युरोपा लिगमा जर्मन क्लब फ्रन्कफर्टविरुद्ध सुरुवाती अग्रता लिएर पनि २–१ ले पराजित भएपछि क्लबले इम्रीलाई बर्खास्त गर्ने निर्णय गरेको हो । फ्रन्कफर्टसँग घरेलु मैदानमा पराजित भएसँगै समर्थकहरुले पनि ‘युनाई आउट’ भन्ने ब्यानर प्रदर्शन गरेका थिए ।

आर्सनल आएको पहिलो सिजन नै इम्रीको प्रशिक्षणमा आर्सनलले उच्च प्रदर्शन गरेपनि यो सिजन लगातार खराव प्रदर्शन गरिरहेको छ । इम्रीसँगै हेड अफ फुटबल राहुल स्नेललेही, निर्देशक भिनाई भेन्कातेसह्याम र टेक्निकल डाइरेक्टर इडुले पनि आफ्नो जव गुमाएका छन् ।

इम्रीले आर्सनलका लागि ७८ खेल खेलाउदा ४३ जित, १६ बराबरी र १९ हारको नतिजा निकालेको छ । अब इम्रीको स्थानमा पुर्व खेलाडी फ्रेडी एलजङवर्गले आर्सनललको अन्तरिम प्रशिक्षक बनेका छन् । अब एलजङवर्गको प्रशिक्षणमा आर्सनलले नर्विच सिटीसँग खेल्नेछ ।

अन्तरिम प्रशिक्षक बनाइसकेपनि आर्सनल नयाँ प्रशिक्षकको खोजीमा छ । मौरिसियो पोचेटिनो, ब्रेन्डन रोजर्स, मिकेल अर्टेटा, राफयल बेनिटेज र नुनो स्पिरिटोलगायतलाई प्रशिक्षक बनाउने तयारी गरेको छ ।