एजेन्सी – इटालियन क्लब इन्टर मिलानले युइएफए च्याम्पियन्स लिग फुटबलमा  प्रभावशाली जित निकालेको छ । इन्टर मिलानले चेक रिपब्लिक क्लब स्लाभिया प्राहामाथि ३–१ को सानदार जित निकालेको हो ।

इन्टरको जितमा लोउटारो मार्टिनेजले दुई तथा रोमेलु लुकाकुले एक गोल गरे । प्राहाका थोमस सोसिसले एक गोल फर्काए । इन्टरका रोमेलु लुकाकुको दुई गोलले भिएआरको मान्यता पाएन ।

प्राहामा बुधबार राति भएको खेलमा इन्टरले खेलको १९औं मिनेटमा मार्टिनेजको गोलबाट अग्रता बनाएको थियो । ३५औं मिनेटमा रोमेलु लुकाकुले गोल गरेपनि भिएआरबाट मान्यता पाएन । ३७औं मिनेटमा थोमस सोसिसले बराबरी गोल फर्काए ।

८१औं मिनेटमा लुकाकुले गोल गर्दै इन्टरलाई २–१ को अग्रता दिलाए । ८८औं मिनेटमा मार्टिनेजले व्यक्तिगत दोस्रो गोल गर्दै इन्टरलाई ३–१ को जित दिलाए । एन्ज्युरी समयमा लुकाकुले गोल गरेपनि पुनः भिएआरको मान्यता पाएन ।

जित निकाल्दै नकआउट चरण पुग्ने सम्भावना जीवितै राखेको छ । अब समूह चरणको अन्तिम खेलमा बार्सिलोनालाई बराबरी वा पराजित गरे या अर्काे खेलमा डर्टमन्डले पनि हार भोगेको अवस्थामा इन्टरले नकआउट चरणमा स्थान बनाउनेछ । इन्टर ५ खेलबाट ७ अंकसहित दोस्रो स्थानमा छ ।

यही समूहमा स्पेनिस क्लब बार्सिलोनाले जर्मन क्लब बोरुसिया डर्टमन्डलाई ३–१ ले पराजित गर्दै समूह ‘एफ’ बाट एक खेल बाँकी रहँदा च्याम्पियन्स लिगको नकआउट चरणमा पुग्न सफल भएको छ ।