default_image

5 years ago

November 22, 2019

साग : महिला फुटबलमा चार राष्ट्रमात्र खेल्ने

130 views

0 Bookmark

काठमाडौं (हाम्रो खेलकुद) – संघारमा रहेको १३औं दक्षिण एसियाली खेलकुद (साग) अन्तरगतको महिला फुटबलमा चार राष्ट्रको मात्रै सहभागिता रहने भएको छ ।

पाकिस्तान, भुटान र बंगलादेशले सहभागिता नजाउने भएपछि सागको महिला फुटबलमा ४ राष्ट्रको मात्रै सहभागिता रहने भएको हो । अब आयोजक नेपाल, भारत, श्रीलंका र माल्दिभ्सले मात्रै सागमा प्रतिस्पर्धा गर्नेछन् । ४ राष्ट्रको सहभागितासँगै खेलहरु राउन्ड रोविन लिगका आधारमा सञ्चालन हुनेछन् ।

अखिल नेपाल फुटबल संघ (एन्फा) ले शुक्रबार गरेको खेल तालिका र टाइसिट ‘ड्र’ अनुसार नेपालले पहिलो खेलमा श्रीलंका प्रतिद्वन्द्वी पाएको छ ।
महिला फुटबल पोखरा रंगशालामा ३ देखि १० डिसेम्वरसम्म सञ्चालन हुने तालिका छ । लिग चरणको समापनपछि शीर्ष दुई टोलीले उपाधिका लागि प्रतिस्पर्धा गर्नेछन् ।

हालसम्म सागको सबै संस्करणमा भारत च्याम्पियन बन्दै आएको छ । नेपाल भने लगातार रजतमा सीमित हुँदै आएको छ । महिला फुटबलले सागमा ११औं सागबाट प्रवेश पाएको हो । अघिल्लो संस्करणमा नेपालले लिग चरणमा भारतलाई गोलरहित बराबरीमा रोक्दै शीर्षस्थान हासिल गरेको थियो । तर फाइनलमा नेपाल भारतसँग ४-० ले पराजित भएको थियो ।

गत संस्करणमा ५ राष्ट्रको सहभागिता रहेपनि यसपटक बंगलादेश पनि सहभागी भएको छैन । नेपाली टोलीले विगत ५ महिनादेखि सागको तयारीमा रहेको छ । त्यसअघि साफ च्याम्पियनसिपमा नेपाली टोली भारतसँग नै पराजित भएको थियो ।

March 4, 2025

मेचीनगर गोल्डकप – उद्घाटनमा आयोजक र जर्जियन एफसी खेल्ने

हिमाल खरेल,बिर्तामोड पाँचौं मेचीनगर गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको उद्घाटन खेल शनिवार आयोजक काँकरभिट्टा फुटबल ट्रेनिङ सेन्टर र भारतको जर्जियन एफसीबिच हुने भएको छ । आयोजकका सल्लाहकार शेरबहादुर बस्नेतका अनुसार दोस्रो दिन फागुन २५ गते ए डिभिजन लिग विजेता चर्च ब्वाइज युनाइटेडले एनएसएल टिम झापा एफसीको सामना गर्नेछ । त्यस्तै, तेस्रो क्वार्टर फाइनल खेल […]

March 4, 2025

बुट्टाबारी च्यालेन्ज कप- आयोजक सेमिफाइनलमा

हिमाल खरेल, बिर्तामोड आकाश राई चम्किँदा आयोजक बुट्टाबारी युनाइटेड क्लबलेे बुट्टाबारी च्यालेन्ज कपको उद्घाटन खेलमा सानदार जित निकालेको छ। आज बिर्तामोड–६ हरियाली खेलमैदानमा भएको उद्घाटन खेलमा बुट्टाबारी युनाइटेड क्लबले गाईघाट युनाइटेड उदयपुरलाई ४-० ले हराउँदै सेमिफाइनल प्रवेश गरेको हो । खेलमा आकाश राईले ह्याट्रिक पूरा गरे । एक गोल प्रदिप श्रेष्ठले गरे । आकाशले खेलको […]

March 4, 2025

एपिएफको गोल वर्षा – रश्मि एक्लैको ६ गोल

दिपक बोहोरा,इलाम एपिएफ फुटबल क्लब इलाममा जारी दोस्रो अन्तर्राष्ट्रिय आमन्त्रण महिला गोल्ड कप फुटबल प्रतियोगिता सेमिफाइनलमा पुगेको छ । ठूलो टुँडिखेलमा आज भएको अन्तिम क्वाटरफाइनल खेलमा एपिएफले गोलको वर्षा गर्दै अन्तिम चारको यात्रा तय गर्यो। एपिएफले नेपाल पुलिस क्लबसँग सेमिफाइनल खेल्नेछ। एपिएफले भारत उत्तर प्रदेशको मदर टेरेसा एफसीमाथि १४-१ गोलको फराकिलो नतिजा निकाल्यो । एपिएफको […]

Success

Thank you for your time.