एजेन्सी – स्वीडिस भेट्रान फरवार्ड ज्लाटन इब्राहिमोविचले सिजनको अन्त्यसँगै अमेरिकी मेजर लिग सकर क्लब एलए ग्यालेक्सी छाड्ने घोषणा गरेका छन् । ३८ वर्षै स्विडेनका पुर्व अन्तर्राष्ट्रिय स्टार बुधबार सिजनको अन्त्यसँगै ग्यालेक्सी छाड्ने घोषणा गरेका हुन् ।

२०१८ मा इंग्लिस क्लब म्यानचेस्टर युनाइटेडबमट ग्यालेक्सी आएका ज्लाटनको सम्झौता यसै सिजनसम्म रहेको छ । युभेन्टस, इन्टर मिलान, बार्सिलोना, एसी मिलान, पीएसजी र म्यानचेस्टर युनाइटेडका पुर्व फरवार्ड समेत रहेका इभ्राहिमोभिचले ग्यालेक्सीमा दुई सिजनमा ५८ खेलमा ५३ गोल गर्दै आफ्नो छाप बनाएका छन् ।

‘म आएँ, मैले देखे, मैले जितेको थिए । धन्यवाद एलए ग्यालेक्सी । फेरिपनि मलाई जीवित महसुस गराएको छ । तपाई ज्लाटन चाहानुहुन्छ, मैले तिमीलाई ज्लाटन दिए । तपाईलाई स्वागत छ । कथा जारी छ…… अब बेसबल हेर्न फिर्ता जानुहोस् ।’ ज्लाटनले ग्यालेक्सी छाड्ने घोषणा गर्दै सामाजिक सञ्जाल ट्वीटमा प्रशंसहकसँग बिदा माग्दै ट्वीट गरेका छन् ।

ग्यालेक्सीका अध्यक्ष क्रिस क्लेनले ज्लाटको व्यवसायिकताका लागि धन्यवाद दिदै लस एन्जल्स समुदाय र उत्तरी अमेरिकाको फुटबलमा पारेको प्रभावलाई लिएर आभार प्रकट गरे ।

इब्राहिमोभिचको इटाली फर्कने सम्भावना छ । उनी एसी मिलानमा आबद्ध हुने चर्चा छ । तर, उनलाई अर्को इटालियन क्लब बोलोग्नाले पनि अनुबन्ध गर्ने प्रयास गरिरहेको छ ।