एजेन्सी – क्याटलान क्लब बार्सिलोना तथा इंग्लिस क्लब एभर्टनका पोर्चुगिज सेन्ट्रल मिडफिल्डर आन्द्रे गोमेजको सफल शल्यक्रिया भएको छ । उनको एन्ट्री अस्पतालमा आइतबार साँझ सफल शल्यक्रिया भएको हो ।

प्रिमियर लिग अन्तरगत गुडिसन पार्कमा शनिबार राति टोटेनहम हस्टपरविरुद्धको खेलमा गोमेजको दाया खुट्टाको एंकल फ्याक्चर भएको थियो । ह्युङ मिन सनको गम्भीर ट्याकलमा पर्दा गोमेजको खुट्टाको इंकल नै भाँचिएको थियो । लगत्तै उनलाई अस्पतालमा पुर्‍याइएको थियो ।

आफ्नो ट्याकलमा एंकल फ्याक्टर भएपछि सन पनि सम्हालिन सकेका थिएनन् । रेफ्रीबाट रातो कार्ड पाएपछि उनी रुदै मैदानबाट बाहिरिएका थिए । यधपी टोटेनहमले उक्त कार्ड सहि नरहेको भन्दै प्रिमियर लिगसमक्ष अपिल गरेपछि कार्ड भने फिर्ता भएको छ । सनले अब कुनै खेल गुमाउने छैनन् ।

सफल शल्यक्रिया भएसँगै गोमेजले शल्यक्रियामा संलग्न मेडिकल स्टाफ डक्टर, आफ्ना समर्थक र टिम सहयात्री धन्यवाद दिएका छन् । उनी अबर निरन्तर उपचारमा रहनुका साथै रिह्यावमा व्यस्त हुनेछन् । उनले यस सिजन सबै खेल गुमाउने छन् भने अर्को सिजनको सुरुवाती खेल पनि शंकाको घेरामा रहेको बुझिएको छ ।

क्लबका विज्ञप्ति जारी गर्दै गोमेजको सफल शल्यक्रियासँगै टोलीको प्रशिक्षण वातावरण शान्त बनेको बताएका छन् । ‘शल्यक्रियाको प्रक्रिया एकदमै राम्रो भएको छ । अब गोमेजले केही समय अस्पतालमै बिताउनेछन् । त्यसपछि क्लबको मेडिकल स्टाफको सल्लाहमा युएसएम फिन्च फार्ममा रिह्याव गर्नेछन् । आशा छ गोमेज छिट्टै खेलमा फर्कनेछन् ।’ क्लबको विज्ञप्तिमा उल्लेख छ ।