एजेन्सी – काइल वाल्करले एक गोल गर्नुका साथै अर्काे गोलको लागि असिस्ट दिएपछि म्यानचेस्टर सिटीले इंग्लिस प्रिमियर लिगमा पुनरागमन जित निकालेको छ । सिटीले साउथह्याम्पटनमाथि २–१ को जित निकालेको हो ।

इतिहाद स्टेडियममा शनिबार राति भएको खेलमा घरेलु टोली सिटी खेलको १३औं मिनेटमा पछि परेको थियो । जेम्स वार्ड प्रोसको गोलबाट साउथह्याम्पटन खेलमा अघि बढेको थियो । एक गोलले पछि परेपछि सिटीले साउथह्याम्पटनलाई लगातार दवावमा राखेपनि बराबरी गोलका लागि निकै संघर्ष गर्नुपरेको थियो ।

७०औं मिनेटमा सर्जियो अगुइरोले बराबरी गोल फर्काए । उनले केल वाल्करको पासलाई सदुपयोग गरेका थिए । खेल सकिन ४ मिनेट बाँकी रहँदा केल वाल्करले गोल गर्दै सिटीलाई २–१ को पूनरागमन जित दिलाए ।

जितसँगै सिटीले शीर्षस्थानको लिभरपुललाई लगातार दवाव बढाइरहेको छ । सिटी ११ खेलबाट २५ अंक जोडेर दोस्रो स्थानमा यथावतमा छ । सिटी शीर्षस्थानको लिभरपुलभन्दा ६ अंकले पछि छ ।

लिभरपुलले पनि एस्टन भिल्लामाथि २–१ कै पुनरागमन जित निकालेको थियो । लिभरपुल ३१ अंक जोडेर शीर्षस्थानमा यथावत छ । पराजित साउथह्याम्पटन ८ अंक जोडेर रेलिगेसन जोनको १८औं स्थानमा छ ।

अन्य नतिजा

बर्नमाउथविरुद्ध म्यानचेस्टर युनाइटेड (१–०

आर्सनलविरुद्ध वल्भ्स (१–१)

एस्टन भिल्लाविरुद्ध लिभरपुल (१–२)

ब्राइटनविरुद्ध नर्विच सिटी (२–०)

सेफिल्ड युनाइटेडविरुद्ध बर्नली (३–०)

वेस्टह्यामविरुद्ध न्यु क्यासल युनाइटेड (२–३)