काठमाडौं (हाम्रो खेलकुद)–राष्ट्रिय फुटबल टोलीका स्टार स्ट्राइकर नवयुग श्रेष्ठले मोटरसाइकलले मोटरसाइकल पुरस्कारमा पाएका छन् । फुटबल टोलीबाट विशेष योगदान गरेका कारण स्याकार ट्रेडिङ प्रालीले बुधबार उनलाई होन्डा हर्नेट १६० आर बाइक दिएको उल्लेख गरेको छ ।

मोटरसाइकलको साँचो ग्रहण गर्दै नवयुग श्रेष्ठ (दायाँबाट दोस्रो) ।

जेठ १५ गते गणतन्त्र दिवसका दिन नेपाल सरकारबाट प्रवल जनसेवा मानपदवीबाट सम्मान हुने घोषणमा परेको नवयुगले जेठ १८ गते दुई महत्वपूर्ण उपाधि दिलाउने टोलीको सदस्य भएका नाताले १० लाख रुपैयाँ प्राप्त गरेका थिए ।
त्रिभुवन आर्मी क्लबका नवयुग श्रेष्ठले नेपालले पछिल्लो पटक प्राप्त गरेको दुई सफलतामा उनको विशेष भूमिका रहेको थियो । नेपालले भारतमा फागुनमा सम्पन्न १२ औं दक्षिण एसियाली खेलकुद (साग) मा स्वर्ण पदक जित्नुका साथ त्यसको एक महिना अघिद्ध बंगलादेशमा बंगबन्धु गोल्डकप फुटबल प्रतियोगिताको उपाधि जितेको थियो । दुवैमा नवयुगको प्रदर्शन स्मरणीय रहेको यिथो । ती दुई प्रतियोगितामा नवयुगले तीनवटा ह्याट्रिक गरेका थिए ।
बंगबन्धुमा एक ह्याट्रिक सहित ४ गोल गरेका नवयुगले सागमा दुई ह्याट्रिक सहित ७ गोल आफ्नो नाममा लेखाएका थिए । एन्फाले साग विजेतालाई ५ लार बंगबन्धु गोल्डकप विजेता टोली सदस्यलाई ५ लाख रुपैयाँबाट पुरस्कृत गरेको थियो ।