5 years ago
October 27, 2019
एजेन्सी – अमेरिकी विंगर क्रिस्टियन पुलिसिकले ह्याट्रिक गरेसँगै इंग्लिस प्रिमियर लिग अन्तर्गत शनिबार चेल्सीले बर्नलीको घरेलु मैदानमा ४-२ को जित दर्ता गरेको छ ।
पुलिसिकले खेलको २१ औं मिनेटमा सानदार गोल गर्दै चेल्सीलाई अग्रता दिलाएका थिए । मैदानको मध्यभागबाट उनले बल जितेर त्यसै बललाई पोस्टसम्म लाग्दै गोलमा परिणत गरेका थिए । पहिलो हाफको अन्तिम मिनेटमा उनले विलियनले मिडफिल्डमा जितेको बललाई नै गोलमा परिणत गरेका थिए । पहिलो हाफमा उत्कृष्ट प्रदर्शन गरेका पुलिसिकले दोस्रो हाफमा ह्याट्रिक पूरा गरे ।
मेसन माउन्टको क्रसलाई हेडरमार्फत गोल गर्दै उनले करीअरको पहिलो ह्याट्रिक पूरा गरे । सुरुवाती दुई गोल दायाँ र बायाँ खुट्टाले गरेका उनले तेस्रो गोल हेडरमार्फत गर्दै पर्फेक्ट ह्याट्रिक पूरा गरेका हुन् । उनी चेल्सीका लागि २१ वर्ष ३८ दिनको उमेरमा ह्याट्रिक प्रहार गर्दै यस उपलब्धि हासिल गर्ने सबैभन्दा कान्छा खेलाडी पनि बने । उनको ह्याट्रिक पूरा भएको २ मिनेटमा नै विलियनले चेल्सीलाई ४-० को अग्रता दिलाएका थिए ।
यस जितसँगै चेल्सी अंक तालिकाको चौथो स्थानमा उक्लिएको छ । चेल्सीले १० खेलमा ६ जित, २ हार र २ बराबरीसँगै २० अंक जोडेको छ । बर्नली भने १० खेलमा १२ अंकसहित ११ औं स्थानमा छ ।
March 1, 2025
धनगढी (हाम्रो खेलकुद)- धनगढी एफसीको ट्यालेन्ट हन्ट बाट ४ फुटबल खेलाडी छनोट भएका छन् । नेपाल सुपर लिग( एनएसएल) तेस्रो संस्करणका लागि धनगढी एफसीले शनिवार धनगढी स्थित रंगशालामा गरेको ट्यालेन्ट हन्टमा ४ जना खेलाडी छनोट भएका हुन् । छनोट हुनेमा दिनेश नेपाली (गोलकिपर), सुमित सार्की (फरवार्ड), सोयम चौधरी (डिफेन्डर) र सन्दीप धामी (मिडफिल्डर) रहेका छन् […]
March 1, 2025
हिमाल खरेल, बिर्तामोड नेपाल सुपर लिग ( एनएसएल) टोली झापा एफसीका अध्यक्ष अर्पण खड्काले झापाबासीलाई झापा एफसीको अपनत्व ग्रहण गर्न आग्रह गरेका छन् । बिर्तामोडमा आज पत्रकार सम्मेलन गर्दै उनले एनएसएलमा कोशी प्रदेशको प्रतिनिधित्व गर्ने एक मात्र टोली भएकाले सबै पूर्वेलीसँग सहयोगको अपेक्षा रहेको बताए । अध्यक्ष खड्काले यो पटकको एनएसएल च्याम्पियन बन्नेगरी तयारी सुरु […]
March 1, 2025
काठमाडौं (हाम्रो खेलकुद)- नेपाली राष्ट्रिय महिला फुटबल टोलीकी प्रभावशाली मिडफिल्डर प्रीति राई सर्वोत्कृष्ट महिला फुटबल खेलाडी २०८१ बाट सम्मानित भएकी छिन्। योङ स्टार फाउन्डेसनले आयोजित कार्यक्रममा प्रीतिलाई १ लाख रुपैयाँ सहित सम्मान गरिएको हो। फाउन्डेसनका अध्यक्ष मोहन चन्द्र सिंह र पूर्व खेलाडी ललित विक्रम शाहले सम्मान गरे। कार्यक्रममा प्रीतिलाई एन्फा महिला लिगमा उत्कृष्ट खेलाडी भएकोमा […]
