टेक्सस (एजेन्सी) – अर्जेन्टिनाले कोपा अमेरिका सेन्टेनारियोअन्तर्गत समूह चरणको अन्तिम खेलमा बोलेभियालाई ३–० ले हराएको छ । स्टार लियोन मेसी दोस्रहो हाफमा मैदान प्रवेश गर्नुअघि नै अर्जेन्टिनाले पहिलो हाफमै तीन गोल गरिसकेको थियो । अर्को खेलमा पानामालाई हराउँदै चिली क्वार्टरफाइनल प्रवेश गरेको छ ।

भिक्टोर क्विस्टा

लगातार तीन खेल जितेको अर्जेन्टिना समूह डीको विजेता बनेको छ । इरिक लामेलाले १३ औं मिनेटमा फ्रिकिकमार्फत गोल गर्दै अग्रता दिलाएका थिए भने त्यसको दुई मिनेटपछि इजिक्ेव लाभेजीले गोल थपे । लाभेजीको बलमा भिक्टोर क्विस्टाले ३२ औं मिनेटमा तेस्रो गोल गरे ।
बोलेभिया यसअघि नै प्रतियोगिताबाट बाहिरिसकेको यिथो । सन् १९७९ बाट कोपा खेल्न थालेको बोलेभियाले अहिले सम्म अर्जेन्टिनालाई हराउन सकेको छैन ।
त्यसअघि समूहको अर्को खेलमा चिलीले पानामालाई ४–२ ले हराउँदै क्वार्टरफाइनलमा स्थान सुरक्षित गरेको छ । फिफा वरियताको अर्जेन्टिना शीर्ष र चिली उपविजेताका रुपमा अघि बढेका हुन् । इडुरोडो भारगास र एलेक्स सान्चेजले समान २ गोल गरे । प्रतियोगिताबाट बाहिरीएको पानामाका लागि मिगुल कामार्गो र एबियल आरोयोले गोल फर्काए ।
अर्जेन्टिनाले भेनेजुयाला र चिलीले मेक्सिकोसँग क्वार्टरफाइनल खेल्नेछ ।