एजेन्सी – खेलको अन्त्यतिर निकोलस पेपेले फ्रिकिकमा दुई दर्शनीय गोल गरेपछि इंग्लिस क्लब आर्सनलले पोर्चुगिज क्लब भिटोरिुया डि गुइमारेसमाथि रोमाञ्चक जित निकालेको  छ ।

इमिरेट्स स्टेडियममा बिहीबार राति भएको खेलमा आर्सनलले भिटोरियामाथि ३–२ को रोमाञ्चक जित निकालेको हो । आर्सनलका निकोलस पेपेले दुई तथा गाब्रियल मार्टिनेलीले गोल गरे । पाहुना टोलीका मार्कुस इडवार्ड र ब्रुनोले गोल गरे ।

खेलको आठौं मिनेटमा मार्कुसको गोलबाट पाहुना टोली खेलमा १–० ले अघि बढ्यो । ३२औं मिनेटमा गाब्रियल मार्टिनेलीले बराबरी गोल फर्काए । त्यसको ४ मिनेटपछि ब्रुनोले गोल गरेपछि आर्सनल पहिलो हाफमा २–१ ले पछि परेको थियो ।

अन्तिम १० मिनेट बाँकी रहँदा निकोलस पेपेले फ्रिकिकमा दुई गोल गर्दै आर्सनललाई ३–२ को जित दिलाए ।  ८०औं मिनेटमा झन्डै २५ यार्डमा प्राप्त फ्रिकिकमा पेपेको लेफ्ट फुटेट प्रहार फार बर्टम कर्नरमा गोल हुदा खेल २–२ गोलको बराबरीमा पुगेको थियो । इन्ज्युरी समयको थप गरिएको दोस्रो मिनेटमा पेपेले पुनः फ्रिकिकमा गोल गर्दै आर्सनललाई ३–२ को रोमाञ्चक जित दिलाए ।

जितसँगै अपराजित रहेको आर्सनल समूह ‘एफ’ मा ३ खेलबाट ९ अंक जोडेर शीर्षस्थानमा छ । भिटोरिया अंकविहीन हुदै पुछारमा छ ।

अन्य नतिजा

रोमाविरुद्ध बोरुसिया मोन्चेग्लावाच (१–१)

एजेट अल्कामारविरुद्ध एफसी एस्ताना (६–०)

सिएसकेए मस्कोविरुद्ध फेरेन्कभारोस (०–१)

स्लोभान ब्राटिसलाभाविरुद्ध वल्भ्स (१–२)

बेसिक्टासविरुद्ध ब्रागा (१–२)

इस्तानुबुल बासकसेहिरविरुद्ध वल्सवर्गर एसी (१–०)

एफसी पोर्टाेविरुद्ध रेन्जर्स (१–१)

योङ ब्वाइजविरुद्ध फियोनोर्ड (२–०)

क्वारावागविरुद्ध अपोइल निकोसिया (२–२)

पर्टीजान बियोग्राडविरुद्ध म्यानचेस्टर युनाइटेड (०–१)

सेन्ट इटिनेविरुद्ध एफसी ओलेक्सान्द्रिया (१–१)

जेन्टविरुद्ध वल्सवर्ग (२–२)

लुडोगोरेट्सविरुद्ध इस्पान्योल (०–१)

फ्रन्कफर्टविरुद्ध स्टान्डर्ड लिग (२–१)

रेनिसविरुद्ध सिएफआर क्लज (०–१)

डाइनामो किभविरुद्ध एफसी कोपेनहेवन (१–१)

सेल्टिकविरुद्ध लाजियो (२–१)

पीएसभी इन्डोभेनविरुद्ध लास्क (०–०)

सेभिल्लाविरुद्ध एफ ९१डुडेलेन्ज (३–०)

माल्मोविरुद्ध लुगानो (२–१)

गेटाफेविरुद्ध एफसी बसेल (०–१)

स्पोर्टिङ लिस्वनविरुद्ध रोजेनवर्ग (१–०)

ट्रावजोन्सपरविरुद्ध एफसी क्रासनोडर (०–२)