एजेन्सी –स्पेनिस ला लिगाको सबैभन्दा महत्वुर्ण ‘एल क्लासिको’ नयाँ मिति तय भएको छ । नयाँ मिति अनुसार अब स्थगित एल क्लासिको १८ डिसेम्वरमा हुने भएको छ ।

स्पेन स्वसाशित क्षेत्र क्याटलोनियामा द्धन्द्ध बढेपछि स्पेनिस ला लिगा आयोजक र रोयल स्पेनिस फुटबल संघले २६ अक्टोवरलाई तय भएको ‘एल क्लासिको’ स्थगित गरेको थियो । नयाँ मिति तय भएसँगै बार्सिलोनाले तीन साताको अवधिमा ६ महत्वपुर्ण खेलमा प्रतिस्पर्धा गनुपर्ने भएको छ । बार्सिलोनाले नोभेम्वर २८ मा च्याम्पियन्स लिगमा बोरुसिया डर्टमन्डसँग घरेलु मैदानमा खेल्नेछ । १ डिसेम्वरमा एट्लेटिको मड्रिड, ८ डिसेम्वरमा रियल मार्लाेका, १० डिसेम्वरमा च्याम्पियन्स लिगमा इन्टर मिलान, १५ डिसेम्वरमा रियल सोसिडाड र १८ डिसेम्वरमा रियालसँग खेल्नुपर्ने भएको छ ।

स्थगित ‘एल क्लासिको’ बार्सिलोनाको घरेलु मैदान नोउ क्याम्पमा नै हुनेछ । ‘एल क्लासिको’ अघि रियाललाई भने केही सहज खेल परेको छ । तर, यो सिजनमा पनि रियालले निकै संघर्ष गरिरहेको छ ।

बार्सिलोनाको खेल तालिका

नोभेम्वर २८ – बोरुसिया डर्टमन्ड (च्याम्पियन्स लिग, होम

१ डिसेम्वर – एट्लेटिको मड्रिड (ला लिगा, अवे)

८ डिसेम्वर – रियल मर्लाेका (ला लिगा, होम)

१० डिसेम्वर – इन्टर मिलान (च्याम्पियन्स लिग, अवे)

१५ डिसेम्वर – रियल सोसिडा (ला लिगा, अवे)

१८ डिसेम्वर – रियाल म्याड्रिड (ला लिगा, होम)