पेरिस (एजेन्सी) पोर्चुगलका लागि सबैभन्दा बढी अन्तर्राष्ट्रिय खेल खेल्ने लुइस फिगोको कीर्तिमान बारबरी गरेका छन् । युरोपियन च्याम्पियनसिपमा आयरल्यान्डविरुद्धको खेलमा उत्रेपछि १ सय २७ खेलका साथ रोनाल्डोले फिगोलाई भेट्टाएका हुन् ।

क्रिस्टियानो रोनाल्डो र पूर्व खेलाडी फिगो (बायाँ) ।

आफ्नो कीर्तिमानसँग बराबरी गरेपछि फिगोले खुसी हुँदै भने, ‘राष्ट्रिय टोलीका लागि उनी सबैभन्दा महत्वपूर्ण खेलडाी हुन् । उनी विश्वकपका उत्कृष्ट खेलाडी र सबैभन्दा महांगा खेलाडी हुन् । यति बेला उनी उच्च फर्ममा छन् र उनलाई कसैले रोक्न सक्दैनन् । ’
रोनाल्डोले रियाल मड्रिडमा पोर्चुगलबाट भन्दा पनि राम्रो खेल्ने आरोपको फिगोले खण्डन गरेका छन् । ‘क्लब र राष्ट्रिय टोलीबाट खेल्नु विल्कुल भिन्नै विषय हुन् । ’
रोनाल्डोले फिगोका बारेमा आफुले सानैबाट सुनेको चर्चा गर्दै भने, ‘राष्ट्रिय टोलीको प्रसंग उठाउँदा फिगो, रिइ कोस्टा, फर्नान्डो काउटोको उदाहरण दिइन्थ्यो । उनीहसँगै आफुलाई पाउनुलाई सपना पुरा भए सरह हो । म पनि उनीहरु जस्तै व्यवसायिक खेलाडी र राष्ट्रिय टोलीबाट खेल्छु । ’
पोर्चुगलका पूर्व प्रशिक्षक लुइस फिलिपे स्कोलारीले रोनाल्डोले पहिलो पटक राष्ट्रि«य टोलीमा पर्दा उनलाई सहयोग गर्ने फिगो हुन्थ्यो । फिफो र रोनाल्डो पछि बढी खेल्नेमा फर्नान्डो काउटो (११०), नानी (९७) र कोस्टा (९४) छन् ।
रोनाल्डो बढी खेल्ने कीर्तिमानसँग बराबरी मात्र गरेनन् , पोर्चुगलका लागि सबैभन्दा बढी गोल गर्नेमा उनी उनी अगाडी छन् । २००३ यता पोर्चुगलका लागि ५८ गरेका छन् । पाउलेटा (४७), इसियिबो (४१), लुइस फिगो (३२) र नुनो गोमेज (२९) छन् ।