एजेन्सी – रुस अर्काे वर्ष पोर्चुगलमा अयोजना हुने युरोकपमा छनोट हुने तेस्रो टोली बनेको छ । आइतबार राति भएको खेलमा साइप्रसमाथि ५–० को शानदार जित निकाल्दै रुस युरोकपमा छनोट हुने तेस्रो टोली बनेको हो ।

यसअघि बेल्जियम र इटालीले युरोकपको टिकट पक्का गरेको थियो । समूह ‘आई’को खेलमा रुसले १० खेलाडीमा सिमित साईप्रसमाथि फराकिलो जित निकाल्दा डेनिस चेरेसेभले दुई तथा मागोमेड ओजदोइभ, अर्टिम ज्युभा र एलेकसन्दार गोलोभिनले समान १–१ गोल गरे ।

डेनिस चेरसेभले नवौ मिनेटमा गोल गर्दै रुसलाई सुरुवाती अग्रता दिलाएका थिए । मागोमेड ओजदोइभले २२औं मिनेटमा रुसको अग्रता दोब्बर पारे । पहिलो हाफमा २–० ले अघि बढेको रुसले दोस्रो हाफमा थप तीन गोल थप्यो । अर्टिम ज्युभाले ७९औं मिनेटमा रुसका लागि तेस्रो गोल गरे । एलेक्सन्दार गोलोभिनले ८९औं मिनेटमा रुसलाई ४–० ले अघि बढाए । इन्ज्युरी समयमा चेरसेभले ब्यक्तिगत दोस्रो गोल गर्दै रुसलाई ५–० को फराकिलो जित दिलाए ।

दुई खेल बाँकी रहँदा रुसले समुह आईमा तेस्रो स्थानको साईप्रससँग ११ अंकको अग्रता लियो । रुसले ८ खेलबाट २१ अंक जोड्यो । शीर्ष स्थानको बेल्जियमले २४ अंक बटुल्यो । साईप्रस १० अंक सहित तेस्रो स्थानमा रह्यो ।