एजेन्सी – बेल्जियम युरो कप २०२० को लागि छनोट हुने पहिलो टोली बनेको छ । गए राति भएको खेलमा बेल्जियमले सानमारिनोलाई ९–० ले हराउँदै समूह आई मा लगातार सातौं जित निकालेको हो ।

२१ अंक सहित बेल्जियम समूह शीर्ष स्थानमा छ । समूहको दोस्रो स्थानमा रहेको  रुसको १८ अंक र तेस्रो स्थानको साइप्रस को १० अंक छ ।बेल्जियमको जितमा रोमेलु लुकाकुले २ गोल गरे । लुकाकुले २८ औं मिनेटमा गोल गर्दै टोलीलाई अघि बढाए ।

३१औं मिनेटमा नसार चाड्लीले गोल गर्दै अग्रता दोब्बर पारे । ३५औं मिनेटमा सानमारिनोका क्रिष्टियन ब्रोलीले आत्मघाती गोल गरे ।  लुकाकुले ४१ औं मिनेटमा अर्को गोल थपे ।

इन्जुरी समयमा युरी टाइलमेनले गोल गरेपछि पहिलो हाफमा बेल्जियम ६-० ले अगाडि रह्यो ।टोलीले दोस्रो हाफमा ३ गोल थप्यो । ७९ औं मिनेटमा क्रिष्टिन बेनटेकले गोल गरे । ८४ औं मिनेटमा यारी भर्सेकेनले पेनाल्टीमा गोल गरे  । अन्तिम मिनेटमा टिमोटीले टोलीका नवौं गोल गरे ।

युरो छनोटमा बिहीबारका नतिजा

• नेदरल्यान्ड्स ३–१ नर्दन आयरल्यान्ड
•  क्रोएसिया ३–० हंगेरी
• स्लोभाकिया १ –१ वेल्स
• लात्भिया ० – ३ पोल्यान्ड
• बेल्जियम ९– ० सान मारिनो
• रसिया ४ – ० स्कटल्यान्ड
• काजास्तान १ –२ साइप्रस
• बेलारुस ० – ० इस्टोनिया
• अष्ट्रिया ३– १ इजराइल
• नर्थ मासेडोनिया २ – १ स्लोभानिया