एजेन्सी – बायर्न म्युनिखका फिलिप्पे काउटिन्होले बुन्डेसलिगा र प्रिमियर लिगमा समानता रहेको बताएका छन् । ब्राजिलियन मिडफिल्डर यहि सिजन बार्सिलोनाबाट लोनमा बायर्न पुगेका छन् । यदि बायर्नले चाहेमा टोलीले अर्को सिजन उनलाई स्थायी रुपमा राख्न सक्नेछ ।

लोनमा गएको छाटो समय भएपनि २७ वर्षे काउटिन्हो पुन प्रिमियर लिग फर्कने सक्ने अनुमान गएिको छ । उनी आर्सनल वा टोटेनह्याम जान सक्ने अनुमान गरिएको छ । तर, काउटिन्होले भने प्रिमियर लिगमा लिभरपुल बाहेक अन्य क्लब जान नसक्ने बताएका थिए । उनले पछिल्लो अन्तर्वार्तामा प्रिमियर लिग र बुन्डेसलिगामा खासै अन्तर नभएको बताएका छन् ।

‘मलाई लाग्छ बुन्डेसलिगा र प्रिमियर लिगका खेलमा धेरै समानता छ । यहाँका खेल निकै प्रतिस्पर्धात्मक हुन्छन्,’ उनले भने, ‘खेलको अन्त्य सम्म पनि हरेक टोलीले लडेको हुन्छ । हरेक बलका लागि प्रयास गरिएको हुन्छ । यहाँ धेरै ठाँउ वा बलका लागि धेरै समय पाइन्न ।’ला लिगामा भने बार्सिलोनाविरुद्ध धेरै टोलीले रक्षात्मक खेल खेल्न गरेको अनुभव सुनाए ।

उनले भने, ‘त्यहाँ खेल्नका लागि धेरै ठाँउ पाइन्छ । तर, त्यो रक्षापक्ति तोड्न सहज भने भने हुँदैन । यहि नै मैले अनुभव गरेकामा अन्तर हो । ‘ काउटिन्होले लिभरपुल प्रशिक्षक योगर्न क्लोपको भने निकै तारिफ गरे । ‘उनका बारेमा भन्ने मसँग शब्द छैन । उनी उत्कृष्ट र असाधारण प्रशिक्षक हुन्,’उनले भने, ‘मैले त्यहाँ निकै महत्वपूर्ण समय बिताए । मैले त्यहाँ रहँदा धेरै सिक्ने अवसर पाए ।’