एजेन्सी – पोर्चुगल र युभेन्ट्सका सुपर स्टार क्रिस्टियानो रोनाल्डोले आफुमाथि बलात्कार अभियोगले निकै असजिलो भएको बताएका छन् । त्यो घटनाबाट नाकारात्मक असर नपरोस् भन्नका लागि बच्चालाई त्यसबाट अलग राख्न प्रयास गरेको समेत प्रष्ट पारेका छन् ।

पूर्व मोडल क्याथरेन मायोर्गाले ३४ वर्ष रोनाल्डोलाई सन् २००९ मा लस भागसको एक होलमा बलत्कार गरेको आरोप लगाएकी थिइन् । तर, रोनाल्डो त्यो आरोपलाई अस्वीकार गरेका थिए । पछि उनी माथि लागेको आरोप प्रमाणित हुन सकेन । पाँच पटकका बालोन डी ओर विजेता रोनाल्डोले एक अन्तवार्ताका क्रममा त्यो अभियोगले मानसिक र पारिवारिक हिसाबमा पनि असर परेको बताएका छन् ।

‘मेरो मर्यादा माथी आरोप लगाउने काम भएको छ । त्यसले कठिन परिस्थिति सृजना गर्यो । जसको प्रेमिका छन् । परिवार छन् । बच्चा छन्,’ रोनाल्डोले भने, ‘तर उनीहरुले मेरो इमान्दारिता माथि खेल्ने काम भएको छ । साच्चै त्यसले नराम्रो लाग्यो ।’

उनले त्यो आरोप पछिका घटना क्रम स्मरण गर्दै भने, ‘म एक दिन घरमा प्रेमिकाका साथ बसेको थिए । टेलिभजिन हेरि रहेका थियौं । त्यहि बेला मेरा बारेमा समाचार आयो । त्यहि बेला बच्चा तल आउँदै थिए । अनि मैले अप्ठेरो लागेर च्यानल परिवर्तन गरे । यदि मेरो छोरा (जुनियर रोनाल्डो) ले त्यो देखे र सुने भने त्यसले पक्कै राम्रो महसुस हुँदैन थियो ।’ ९ सिजन रियल म्याड्रिडमा बिताएर गत वर्ष युभेन्ट्स पुगेका रोनाल्डो नयाँ क्लबलाई च्याम्पियन्स लिग जिताउने अभियानमा छन् ।