एजेन्सी – युवा फरवार्ड टम्मी अब्राहमले ह्याट्रिक पुरा गरेपछि लन्डन क्लब चेल्सीले इंग्सिस प्रिमियर लिग फुटबलमा वल्भ्समाथि फराकिलो जित निकालेको छ । शनिबार राति भएको खेलमा चेल्सीले वल्भ्सलाई उसकै मैदानमा ५–२ को फराकिलो अन्तरले पराजित गरेको हो ।

फिकायो तोमोरी र मासन माउन्टले समान १–१ गोल थपे । घरेलु टोलीका प्याट्रिक कटरोनले एक गोल गरे । एक गोल उपहार पाएको थियो ।
चेल्सीले खेलको १० मिनेटभित्र तीन गोल गर्दै पहिलो हाफमै ३–० को आरामदायी अग्रता बनाएको थियो ।

घरेलु टोलीविरुद्ध चेल्सीले पहिलो गोलको लागि ३१औं मिनेट कुर्नुपरेको थियो । ३१औं मिनेटमा तोमोरीले गोल गर्दै चेल्सीलाई अग्रता दिलाए । ३४औं मिनेटमा टम्मीले गोल गर्दै चेल्सीको अग्रता दोब्बर बनायो । ४१औं मिनेटमा टम्मीले मार्काेस अलन्सोको पासमा व्यक्तिगत दोस्रो गोल गर्दै चेल्सीलाई पहिलो हाफमा ३–० ले अघि बढाए ।

५५औं मिनेटमा टम्मीले जर्गिन्होको पासमा गोल गर्दै ह्याट्रिक पुरा गरे । ६९औं मिनेटमा टम्मीले आत्मघाती गोल गरेपछि खेल ४–१ को अवस्थामा पुगेको थियो । ८५औं मिनेटमा प्याट्रिकले गोल गर्दै गोल अन्तर ४–२ मा झारेको थियो । इन्ज्युरी समयको थप गरिएको छैटौ मिनेटमा मासन माउन्टले गोल गर्दै चेल्सीलाई ५–२ को फराकिलो जित दिलाए ।

जितसँगै चेल्सी ५ खेलबाट ८ अंक जोडेर छैटौ स्थानमा रहेको छ । चेल्सीले समान २ जित र बराबरी तथा एक खेलमा हार बेहोरेको छ । वल्भ्स ३ अंकसहित १९औं स्थानमा छ ।