एजेन्सी – युरोपियन सफल टोली बार्सिलोनाले आफ्ना पूर्व स्ट्राइकर नेयमारलाई पेरिस सेन्ट जर्मेन (पिएसजी) बाट पुनः क्लबमा ल्याउन हर सम्भव प्रयास गरेको थियो । तर, टोली सफल हुन सकेन ।

बार्सिलोनाले आफ्ना सात खेलाडी मध्ये कसैलाई पिएसजी पठाएर भए पनि नेयमारलाई भित्राउन चाहन्थ्यो । टोलीका सुपर स्टार लियोनल मेस्सीको इच्छा कारण पनि बार्सिलोनाले ब्राजिलियन स्टारलाई ल्याउन अन्तिम सम्म पनि प्रयास गरेको थियो ।

नेयमार आफै पनि क्याम्प नोउ फर्कन तीव्र इच्छा राखेका थिए । तर उनको इच्छा तत्कालका लागि पुरा हुन सकेन । अब उनले कम्तीमा जनवरी सम्मको सरुवा बजारसम्म धर्यता राख्नु पर्नेछ । नेयमारको सरुवाका विषयलाई नियर बार्सिलोना र पिएसजीबीच पटक पटक छलफल पनि भएको हो । तर, अन्ततः छलफलमा सहमति हुन सकेन । बार्सिलोना जाने अपेक्षा राखेका नेयमारले यो सिजन अहिले टोलीबाट खेलेनन् ।

सामुइल उम्टिटी, इभान राकटिक, उम्समान डेम्बेले, आर्थर मेलो, जियान क्लाउड टोडिबो, निल्सन सेमेडो र फिलिप्पे काउटिन्हो मध्ये कुनै पनि खेलाडीलाई पठाएर बार्सिलोना नेयमारलाई लिन चाहन्थ्यो । तर, त्यसको हुन सकेन । काउटिन्हो यही बीचमा एक सिजनका लागि बायर्न म्युनिख पुगेका छन् । जसका कारण पनि नेयमारलाई ल्याउने विषयमा कठिन भएको विश्वास गरिन्छ । बाँकी खेलाडीमा पिएसजीले खासै चासो नराखेको बताइएको छ ।

मेस्सीलाई खुसी पार्नका लागि भएपनि बार्सिलोनाले अन्तिम सम्म पनि नेयमारलाई क्लबमा ल्याउनका लागि प्रयास गरेको थियो । तर दुई क्लबबीचको सहमति हुन सकेन । अब जनवरीमा उनको सुरुवा हुन्छ हुन्छ फुटबल प्रेमिले पनि चासोका साथ कुर्नेछन् ।