एजेन्सी – एलेक्सिस सान्चेजले इटाली पुगेपछि मौनता तोडेका छन् । म्यानचेस्टर युनाइटेडबाट एक वर्षका लागि लोनमा सिरि ए क्लब इन्टर मिलान पुगेपछि आफ्नो धारणा सर्वजनिक गरेका हुन् ।

सन् २०१७ मा आर्सनलबाट युनाइटेड पुगेका सान्चेजको त्यहाँको बसाई बिर्सन लायक रह्यो । उनले ४५ खेलमा मात्र ५ गोल गरे । जबकी चिलियन फरवार्ड युनाइटेडमा सर्वाधिक पारिश्रमिक ५ लाख ६० लाख पाउन्ड लिन्थे ।

अोल्ड ट्राफोर्डमा फ्लप भएपछि ३० वर्षे फरवार्डलाई इन्टर लोमा पठाइएको छ । इटाली पुगेपछि उनले युनाइटेडमा आफुले कम मौका पाएकै कारण राम्रो प्रदर्शन गर्न नसकेको बताएका छन् ।
‘यदि उनीहरुले मलाई पुरा समय दिन्थे भने म राम्रो खेल्न सक्थे, ‘ उनले भनेका छन्,’ तर मैले कहिले ६० मिनेट खेल्न पाए । अनि नियमित खेल्न पाउथिन । किन थाह छैन ।’

यसबीचमा क्लबमा भन्दा राष्ट्रिय टोलीमा उनको प्रदर्शन स्मरण योग्य रह्थ्यो । ‘म राष्ट्रिय टोलीबाट खेल्दा निकै खुसी हुन्थे,’ उनले थपे, ‘युनाइटेडबाट खेल्दा नि खुसी हुन्थे । तर, म सधै साथीहरुलाई भन्दो म खेल्न चाहन्छु । यदि मैले बढी समय खेल्न पाउथे भने उच्च प्रदर्शन गर्न सक्थे ।’

उनले आर्सनल छाडेर युनाटेड राज्दा आफुलाई अहिले कुनै पछुतो नभएको पनि सान्चेजले बताएका छन् । त्यहाँ गएकोमा मलाई कुनै पछुतो छैन । युनाइटेड जादा म खुसी छु । मैले त्यो सधै भन्दै आएको छु, ‘उनले थपे ,’इग्ल्यान्डको सर्वाधिक क्लब हो युनाइटेड । आर्सनल हुँद पनि म खुसी थिए । युनाइटेडले खेलाडी किनि रहेको थियो । म त्यहाँ सबै जित्नका लागि गएको थिए । ‘

सान्चेज जनवरी २०१७ मा युनाइटेड पुगेका थिए । उनी र हेनरिक मखाटारियन युनाइटेड र आर्सनलले सट्टा गरेका थिए । त्यति बेला उनले प्रशिक्षक जोसे माउरिन्होलाई प्रभावित पार्न सकेनन् । माउरिन्हो मात्र होइन उनले ओले गुनार सोल्सिजरलाई पनि आकर्षित गर्न सकेनन् । उनले आफुलाई प्रमाणित गर्न तत्कालका लागि सान्चेजले युनाइटेड छाड्नु उत्तम हुने बताएका थिए ।