एजेन्सी – पारिश्रमिकमा सहमति हुन नसकेका कारण पाउलो डिबाला युभेन्ट्सबाट म्यानचेस्टर युनाइटेड नगएको भन्ने हल्लालाई उनका एजेन्ट जोर्ज अन्टुनले अस्वीकार गरेका छन् । अर्जेन्टिनाका युवा फरवार्ड युनाइटेड जाने लगभग तय भएपनि अन्तिममा सम्झौता हुन सकेन ।

दुई क्लबबीच उनका विषयमा छलफल भएपनि अन्तिम समयमा सहमटि जुटेन । डिबालाले थप पारिश्रमिक माग गरेका कारण सम्झौता हुन नसकेको त्यति बेला समाचारहरुमा उल्लेख गरिएको थियो । तर उनका एजेन्टले त्यस्तको कारण नभएको बताएका छन् । ‘मैले यो विषयमा बुझ्ने कोशिस गरे । जे जति पारिश्रमिकका विषयमा बाहिर समाचार आएका छन्, त्यसमा सत्यता छैन,’ उनले भने,‘ यसमा मात्र दुई क्लबको विषयमा मात्र रहेको थियो । ’

२५ वर्षे उनलाई विश्वकै उत्कृष्ट खेलाडी मध्ये एकका रुपमा हेरिएको छ । तर रियल म्याड्रिडबाट क्रिस्टियानो रोनाल्डो युभेन्ट्स पुगेपछि भने उनले पहिलो रोजाईका लागि संघर्ष गर्नुपरेको छ । सेप्टेम्बर २ मा सरुवा बजार बन्द हुनुअघि उनलाई बेच्ने योजनामा युभेन्ट्स अझै पनि रहेको बताइन्छ । पेरिस सेन्ट जर्मेन (पिएसजी) ले पनि उनीमाथि चासो देखाइरहेको बताइएको छ । तर एजेन्ट अन्टुनले त्यसलाई पनि स्वीकार गरेनन् । उनले भने,‘अहिले पेरिस जाने विषयमा कुनै योजना छैन ।’

सिजनको सुरुवातको पहिलो खेलमा पनि डिबाला पहिलो रोजाईमा पर्न सकेनन् । सरुवा बजार बन्द हुनुअघि सम्म पनि उनी नयाँ क्लबमा जाने विषय भने रोकिने सम्भावना कम छ ।