काठमाडौं (हाम्रो खेलकुद) – लाओससँग अन्तर्राष्ट्रिय मैत्रीपूर्ण फुटबल खेलको चार दिनपछि सार्वजनिक भएको फिफा वरियतामा नेपाल २ स्थान तल झर्दै १ सय ८२ औं स्थानमा पुगेको छ । अन्तर्राष्ट्रिय फुटबल महासंघ (फिफा) ले जुन महिनाका लागि बिहीबार वरियता क्रम सार्वजनिक गर्दा नेपाल दक्षिण एसियालको पाँचौं स्थानमा पुगेको हो । मे महिनामा नेपाल १ सय ८० औं स्थानमा छ । जेठ १६ गते लाओससँग १–१ को बराबरी खेलेकाले अर्को महिना नेपालको वरियतामा सुधार हुने सम्भावना छ ।

लाओसविरुद्धको मैत्रीपूर्ण खेलमा बल पछ्याउँदै विशाल राई । लाओसविरुद्धको उनले नै गोल गरेका थिए ।

नेपाल दक्षिण एसियाली राष्ट्रबीच पाँचौं स्थानमा रहेको छ । नेपाललाई अफगानिस्तान, भारत, माल्दिभ्स र बंगलादेशले पछि रहेको नेपाल भुटान, श्रीलंका र पाकिस्तानभन्दा माथि छ ।
९ स्थान तल झरेर १ सय ५६ औं स्थानमा पुगेपछि दक्षिण एसियालमा शीर्षस्थानमा छ । एक स्थान घटुवा भएको भारत १ सय ६३ औं स्थानका छ । १४ स्थान तल झर्दै माल्दिभ्स १ सय ७४ औं स्थानको छ । बंगलादेश १ सय ८१ औंमा रहने क्रममा तीन स्थान तल झरेको छ ।
भुटान १ सय ८८ औं ,श्रीलंका १ सय ८९ औं स्थानमा र पाकिस्तान १ सय ९२ औं स्थानमा छ ।
अर्जेन्टिना फिफा वरियताको शीर्षस्थान र बेल्जियम दोस्रोमा यथावत छ । कोलम्बिया तेस्रो स्थानमा उक्लदा विश्वकप विजेता जर्मनी चौथोमा पुगेको छ भने चिली पाचौं स्थानमा छ ।