एजेन्सी – नियमित कप्तान लियोनेल मेस्सीलाई चोटका कारण ला लिगाको पहिलो खेलमा गुमाएको बार्सिलोनालाई खेलाडी चोटको भार बढेको छ ।

चोटकै कारण मेस्सी एथ्लेटिक बिल्वाओविरुद्ध अनुपस्थित रहँदा सोही खेलमा उरुग्वेन फवार्ड लुइस सुआरेज चोट बोक्दै मैदानबाट बाट बाहिरिएका थिए । यो भीडमा औसमाने डेम्बेले पनि थपिएका छन् ।

डेम्बेले पनि घाइते भएपछि बार्सिलोना थप समस्यामा परेको छ । चोटकै कारण कप्तान मेस्सी र लुइस स्वारेज पनि टिम बाहिर छन् । बिल्वाओविरुद्धको खेल बार्सिलोनाले १–० ले गुमाएको थियो ।

२२ वर्षीय फ्रेन्च युवा फरवार्ड ओस्माने डेम्बेले ह्यामिस्ट्रिङ चोटका कम्तीमा पनि पाँच साता मैदान बाहिर रहने भएका छन् । मेडिकल रिपोर्ट अनुसार उनको बायाँ खुट्टाको ह्यामिस्ट्रिङ भएको छ । बार्सिलोनाले जारी गरेको विज्ञप्तिमा उल्लेख छ ।

अब बार्सिलोनाको अग्रपङ्तिमा एन्टोइन ग्रिजमन रहेका छन् । मेस्सी र सुआरेज अर्काे साता हुने खेलको लागि फर्कने सम्भावना छ । बार्सिलोनाले अर्काे साता रियल बेटिससँग घरेलु मैदानमा खेल्दैछ ।

डेम्वेले २०१७ मा जर्मन क्लब बोरुसिया डर्टमन्डबाट १०५ मिलियन पाउन्डमा क्याटलान क्लबमा आएका थिए । डेम्वेलेले बार्सिलोनाका लागि हालसम्म ६६ खेलमा १८ गोल गर्दै १७ असिस्ट दिएका छन् ।