एजेन्सी – म्यानचेस्टर युनायटेडका मिडफिल्डर पाउवल पोग्बालाई रियल म्याड्रिड भित्राउने विषयमा सोधिएको प्रश्नमा प्रशिक्षक जिनेदिन जिदानले जवाफ दिन भन्दा मन्द मुस्कान दिन मात्र ठिक माने । सिजनको सुरुवात अघिको अन्तिम पत्रकार सम्मेलनमा उनले टोलीको छनोटमा गेराथ बेलका बारेमा आफ्नोले सोच्ने बताएका छन् ।

पोग्बाका बारेमा सोधिएको प्रश्नका बारेमा उनको जवाफ थियो, ‘म अहिले भोलीको खेलको बारेमा सोचिरहेको छु । अनि मलाई विश्वास छ मसँग उत्कृष्ट खेलाडी छन् ।’ पोग्बाका भाईले स्पेनिस टेलिभिजनमा अन्र्तवार्ता दिदै पोग्बालाई लिन रियल असफल भएको बताएका थिए ।

त्यस विषयमा जिदानको जवाफ थियो,‘ पोग्बा युनाइटेडका खेलाडी हुन् । हामीले उनको सम्मान गर्नुपर्दछ । म आफुसँग भएका खेलाडीमा केन्द्रित छु ।’ बेलका बारेमा सोधिएको प्रश्नमा उनले खुलेर बोले । सिजनको सुरुवात अघि वेल्सका बेलले रियल छाड्ने सम्भावना देखिएको थियो । तर, उनी गएनन् ।

‘मलाई लागेको थियो । उनी जानेछन् । तर उनी अहिले पनि टोलीमा छन् । त्यसैले उनी मेरो गन्तिमा छन्,’ उनली यहाँका महत्वपूर्ण खेलाडी हुन् । मलाई लाग्छ टोलीको पहिलो रोजाई तयार पार्न कठिन छ ।’

जिदानको भनाईबाट बेलले प्रदर्शनबाट आफुलाई प्रभावित पार्न जरुरी छ । प्रि सिजनमा प्रशिक्षक जिदान र बेलबीचको सम्बन्ध हार्दिक रहन सकेको थिएन ।