एजेन्सी – फरवार्ड रोवर्ट लेवान्डोस्कीले डिफेन्डिङ च्याम्पियन बायर्न म्युनिखलाई जर्मन बुन्डेस लिगाको पहिलो खेलमा हारबाट जोगएका छन् ।

खेलमा शुरुवाती अग्रता लिएरपनि जोगनाउन नसक्दा बायर्नले घरेलु मैदानमा हर्था बर्लिनसँग २–२ गोलको बराबरीको नतिजा निकालेको हो ।

घरेलु मैदान एलिनाज एरिनामा शुक्रबार राति भएको खेलमा फरवार्ड रोवर्ट लेवान्डोस्कीले २ गोल गरेपनि टोलीले पहिलो खेलमा जित हासिल गर्न सकेन । हर्था बर्लिनका दुडी लुकेबाकियो र मार्काे ग्रुजिकले गोल गरे । खेलमा शुरुवाती अग्रता लिएपनि बायर्नले त्यो अग्रतालाई लामो कायम राख्न सकेन ।

खेलको २४औं मिनेट सर्जि जिनाब्रीको पासमा लेवान्डोस्कीको गोलबाट बायर्न खेलमा अघि बढेको थियो । ३६औं मिनेटमा दुडीले बराबरी गोल फर्काएका थिए । उनले अन्ड्रिजको पासमा गोल गरेका थिए । त्यसको दुई मिनेटपछि नै मार्काे ग्रुजिकले गोल गरेपछि बायर्न पहिलो हाफमा २–१ ले अघि बढेको थियो ।

६०औं मिनेटमा लेवान्डोस्कीले पेनाल्टीमार्फत गोल गर्दै खेललाई २–२ को बराबरीमा ल्याएका थिए । ग्रुजिकले पेनाल्टी बक्समा लेवान्डोस्कीलाई लडाएपछि प्राप्त पेनाल्टीमा आफैले गोल गरेका थिए ।

त्यसपछि थप गोल निस्कन नसक्दा खेल २–२ गोलको बराबरीमा सकियो । बायर्नले खेलमा ७० प्रतिशत बल पोजेसन लिएपनि थप गोल गर्न सकेन ।