एजेन्सी – पछिल्लो समय आफ्नो क्लबसँग नाम जोडिएका र टोलीका अन्य खेलाडीका विषय रियल म्याड्रिडका प्रशिक्षक जिनेदिन जिदानले प्रतिक्रिया दिएका छन् । सेल्टा भिगोसँग खेल हुने अघि जिदानले नेयमार र पाउल पोग्बाका बारेमा पनि बोलेका छन् ।

तर, उनले उनीहरुका विषयमा धेरै बोल्न चाहेनन् । जिदानले उनीहरु दुवै जना अहिले रियलको खेलाडी नभएको प्रष्ट पार्दै टोली नभएका खेलाडीका बारेमा चर्चा गर्नु अर्थहिन बताएका छन् ।
‘नेयमार रियलका खेलाडी होइनन् । हाम्रो लागि ती खेलाडी महत्वपूर्ण हुन् , जो अहिले टोलीमा छन्’, जिदानले भेन, ‘त्यस्तै पोग्बा म्यानचेस्टर युनाइटेडका खेलाडी हुन् । हामीले उनीहरुलाई सम्मान दिनुपर्दछ ।’

यसैबीच, यो सिजन क्लबमा फर्केका हामेस रोड्रिग्वेजका बारेमा सकारात्मक प्रतिक्रिया दिए । उनी फर्केमा जिदानले खुसी व्यक्त गरको थिए । बुन्डेसलिगा च्याम्पियन बायर्न म्युनिखमा दुई वर्ष लोनमा बिताएर उनी हालै फर्केका छन् । जिदानले जापानी युवा खेलाडी कुबोका बारेमा पनि बोले । कुबोमा सुधार हुँदै आएको उल्लेख गर्दै जिदानले उनी क्लबको भविष्य भएको बताएका छन् ।

‘ हामेस फर्केका छन् । टोली उनी हुँदा खुसी लागेको छ । त्यस्तै कुबो रियलका खेलाडी हुन् । तर, अगस्ट ३१ सम्म जे पनि हुन सक्छ,’ फ्रान्सेली पूर्व कप्तान जिदानले भने, ‘मलाई आशा छ उनी यहि रहनेछन् । प्रशिक्षण र उनमा आएको सुधार हेर्दा उनी क्लबका भविष्य हुन् ।’