एजेन्सी – फ्रान्सेली क्लब पेरिस सेन्ट जर्मेन (पीएसजी) ले क्लबको आधिकारिक स्टोरबाट ब्राजिलियन सुपरस्टार नेयमारको जर्सी बेच्न छाडेको छ ।

क्लब छाडेर अन्यत्र जाने हल्ला चलिरहँदा पीएसजीले उनको जर्सी नै बेच्न छाड्नुले नेयमारको ट्रान्सफर नजिकिएको आंकलन गर्न सकिन्छ । यसअघि पीएसजीले नेयमारको जर्सीलाई नै प्राथमिकतामा राखेर बेच्ने गरेको थियो । हाल भने पीएसजीको स्टोरमा फ्रान्सेली युवा स्टार किलियन एम्बाप्पेको जर्सी धेरै रहेको देखिन्छ ।

हेर्नुहोस पीएसजीको स्टोरको भिडियो :

CADÊ NEYMAR?! 🤔⚽🇧🇷

Na loja oficial do Paris Saint-Germain, na capital francesa, já não há mais sombra de Neymar à vista. Peças com a imagem e o nome do atacante foram todas retiradas do espaço, que agora exibe jogadores como Mbappé e Marquinhos.

🎥 João Henrique Marques/UOL pic.twitter.com/OliiWOhlZD

— UOL Esporte (@UOLEsporte) August 12, 2019

नेयमारको एकमात्र तस्बिर हाल नाईकको जुत्ता बेच्ने स्टलमा मात्र रहेको छ । पीएसजीले सिजनको पहिलो लिग खेलमा नेयमारबिनै जित दर्ता गरिसकेको छ । उक्त खेलमा नेयमारविरुद्ध समर्थकले नाराबाजी पनि गरेका थिए ।

निम्सविरुद्ध ३–० को जित निकालेको खेलमा ‘नेयमार आउट’ भन्ने नारा घन्काउँदै स्टेडियमभर ब्यानरहरु प्रदर्शन गरेका थिए । घरेलु मैदानमा निम्सविरुद्धको खेलमा समर्थकहरुले ‘नेयमार क्लब छाडेर जाउ’ जस्ता नारा लेखिएको ब्यानर प्रदर्शन गरेका थिए ।

क्लबका निर्देशक लियोनार्डाेले नै नेयमारलाई लिग वानको शुरुवाती खेलमा टिममा राखेका थिएनन् । नेयमारले क्लब छाड्ने मनासय बनाइरहँदा क्लबले उनलाई टोलीमै नसमेटेको हो । नेयमार स्पेनिस क्लब बार्सिलोना या रियाल म्याड्रिडमा जाने सम्भावना छ ।