एजेन्सी– खेलाडी सधैैंभर खेली रहन्छ भन्ने हुँदैन । जो कोही खेलाडी पनि आफ्नो ढल्कँदो र खस्कँदो प्रर्दशनसँगै खेलबाट विश्राम लिने गर्दछ ।

चाहे त्यो विश्वकै सर्वाधिक लोकप्रिय फुटबलमा होस वा अन्य खेल । त्यस्तै सन् २०१९ मा फुटबल करिअरबाट थुप्रै खेलाडीहरुले सन्न्यास लिई सकेका छन् । २०१९ मा सन्न्यास लिएका स्टार ५ फुटबलर यस प्रकार छन् ।

५. पिटर चेक

विश्वका फुटबलका महान मध्यका गोलकिपर चेकले युरोपा लिग फाइनल २०१९ मा चेल्सीले आर्सनलाई ४–१ ले हराएपछि फुटबल करिअरबाट सन्न्यास लिएका हुन । ३७ वर्षिय उनलाई चेल्सीले २००४ मा अनुबन्ध गरेको थियो । पछिल्लो केहि सिजन उनी चेल्सी छाडेर आर्सनल पुगेका थिए । उनले प्रिमियर लिगमा चार पटक गोल्डेन ग्लोभ जितेका छन् । उनले चेक गणतन्त्रको लागि १ सय २४ पटक प्रतिनिधित्व गरे । (खेल – ७८१, ट्रफि १८)

४. प्याट्रिस इभ्रा

म्यानचेस्ट युनाइटेडका इभ्राले पनि यसै वर्ष सन्न्यास लिएका छन् । म्यानचेस्टर युनाइटेडका लागि ९ वर्ष खेलेका उनी उत्कृष्ट लेफ्ट ब्याकको रुपमा विश्वपरिचित छन् । युभेन्टसबाट पनि उनले अब्बल प्रर्दशन गरे । उनले फ्रान्सबाट ८१ खेलमा प्रतिनिधित्व गरेका छन् । (खेल – ७७७, गोल – २४, उपाधि – २१)

३. रोबिन भान पर्सी

प्रिमियर लिगमा दुई पटक गोल्डेन बुट विजेता रोबिनले गत मे मा आफ्नो फुटबल करिअरबाट सन्न्यास लिएका हुन् । उनले आर्सनललाई धेरै पटक एक्लै गोल गर्दै जिताएका छन् । तर नेदरल्यान्डका लागि भने अभागी खेलाडीमा पर्दछन् । उनले अन्तर्राष्ट्रिय स्तरमा नेदरल्यान्डलाई उपाधि जिताउन सकेनन् । नेदरल्यान्डबाट १ सय २ खेलमा ५० गोल गरेका छन् । (खेल – ५९३, गोल – २ सय ७३, उपाधि – ७)

२. आर्जेन रोबेन

रोबेन इतिहासकै उत्कृष्ट विजेता खेलाडीमा पर्दछन् । उनको खेल करिअर सफल रह्यो । उनले चेल्सी, रियल म्याड्रिड र बायर्न म्युनिखबाट प्रतिनिधित्व गर्दै उत्कृष्ट प्रर्दशन गरे । उनी आफ्नो फुटबल करिअरमा धेरै समय चोटसँग जुध्नुपर्यो । तर जब उनी फिट भएपछि भने उत्कृष्ट प्रर्दशन गरिरहे । रोबेनले नेदरल्यान्डका सर्बश्रेष्ठ खेलाडीमा हुन् । राष्ट्रिय टोलीबाट खेल्दा नेदरल्यान्डलाई उपाधि भने जिताउन सकेनन । (खेेल – ६०६, गोल – २१०, उपाधि – ३०)

१. जाभी हर्नान्डेज

स्पेनका जाभी इतिहासकै उत्कृष्ट मिडफिल्डर मध्यका एक हुन् । जाभीले देश र क्लब दुबैमा आफ्नो प्रर्दशनमा राज गरे । उनले आफ्नो उत्कृष्ट प्रर्दशनमा दुई पटक युरोपियन च्याम्पियनस्पि र एक पटक विश्वकप जिताए । (खेल – ९४३, गोल – ११३, उपाधि – २९)