एजेन्सी – रियल म्याड्रिड टोटेनह्यामसँग प्रतिस्पर्धा गरिरहँदा टोलीका स्टार खेलाडी गेराथ बेल भने गल्फ खेलिरहेको तस्बिर सार्वजनिक भएको छ । तर, सन्चो नभएका कारण उनी म्युनिख नगएको बताइऐको थियो ।

रियलका प्रशिक्षक जिनेदिन जिदानले बेल विरामी परेका कारण बेल जर्मनी नजाने बताएका थिए । जर्मनीमा प्रि सिजन खेल अन्तर्गत रियलले बेलको पूर्व क्लब टोटेनह्यामको सामना गरेको थियो । तर, बेलले भने पहिला नै आफु म्युनिख नजाने बताएका थिए ।

प्रि सिजनकै दौरान चिनिया क्लबको प्रस्तावलाई रियलले अस्वीकार गरेको खबर सार्वजनिक भएको थियो । जिदान उनलाई क्लबमा राख्ने पक्षमा छैनन् भने बेल छोड्ने मनस्थितिमा देखिदैनन् । सो खेलमा रियल १–० ले पराजित भएको थियो ।

त्यहि समय बेल भने गल्फ खेलिरहेका थिए । उनका एजेन्टले पनि उनी गल्फ कोर्ष गएको स्वीकारेका छन् । उता जिदानले भनेका थिए, उनले सन्चो अनुभव गरेका छैनन् । त्यसैले डक्टरको सल्लाह अनुसार उनी म्याड्रिडमै बसेका हुन् । स्पेनिस पत्रिकाले भने उनी बान्को स्टान्डर सिटीमा गल्फ खेलिरहेको बताए । बेलले १४ होलसम्म साँझ ८ बजे सम्म खेलेका थिए । स्थानिय समयअनुसार गल्फ ६ बजे साझ सुरु भएको थियो ।

जिदानसँग सम्बन्ध चिसिएका कारण अब उनी टोलीको पहिलो रोजाइमा पर्ने विषयमा पनि शंका रहेको छ । जिदानले उनी छिट्टै क्लब छोड्ने छन् भन्ने बताएका थिए ।

त्यहि बीचमा चिनिया क्लबले उनीमाथि चासो राखेको थियो । तर, मार्को एसेन्सियो घाइते भएपछि भने बेललाई क्लबमै राखिने सम्भवना रहेको बताइन्छ । जिदानले एसेन्सियोलाई पहिलो रोजाईमा खेलाउँदै आएका थिए ।

न्यू जर्सीमा शनिबार मात्र रियल ला लिगा प्रतिद्वन्द्वि एटलेटिकोसँग ७–३ ले पराजित भएको थियो । रियल अब भने बेललाई नबेच्ने सोचमा पुगेको बुझिएको छ । जिदानले बेलालई नरुचाउने उनका एजेन्टले प्रष्ट पारेका थिए । उनीहरुबीचमा कुनै सम्बन्ध छैन , एजेन्टले भनेका थिए ।