एजेन्सी – मिडफिल्डर हामेस रोड्रिग्वेज दुई वर्षपछि रियल म्याड्रिडको अभ्यासमा फर्केका छन् । कोलम्बियाका प्लेमेकर यो सिजन बेर्नाबेउमै देखिने सम्भावना रहेको बताइन्छ । २८ वर्षे रोड्रिग्वेज पछिल्लो दुई सिजन लोनमा बुन्डेसलिगा च्याम्पियन बायर्न म्युनिखमा रहेका थिए । जहाँ बायर्न लगातार लिग उपाधि जितेको थियो ।

बायर्नले स्थायी रुपमा राख्न सक्ने विकल्प प्रयोग नगरेपछि उनी रियल फर्केका छन् । उनी ७ सय ८७ दिन रियल बाहिर रहे । नेपोली र एट्लेटिको म्याड्रिडले रोड्रिग्वेजमाथि चासो देखाएका थिए । नेपोलीका प्रशिक्षक कार्लो एन्सेलोटीले उनलाई लान पटक पटक प्रयास गरेका थिए ।

मार्को एसेन्सियो गम्भिर घाइते भएपनि प्रशिक्षक जिनेदिन जिदानले उनलाई पनि विकल्पका रुपमा हेर्न सकिने बताइएइको छ । गत सिजन ला लिगाको उपविजेता रहेको रियलले मंगलबार औडी कपमा टोटेनह्याहको सामना गर्नेछ ।

सोमबार कासिमारो, यसैपटक क्लबमा आएका एडेन मिलिटिओ र रोड्रिग्वेज लगायत खेलाडीले अभ्यास गरेका थिए । एट्लेटिकोसँग ७–३ ले पराजित भएपछि यसपटक पनि रियलले ला लिगामा संघर्ष गर्नुपर्ने अनुमान पनि गरिएको छ । जापानी टाकेफुसा कुबोले पनि सिनियर टोलीसँगै अभ्यास गरे । १८ वर्षे युवा खेलाडी प्रि सिजनमा टोलीका साथ थिए । अगस्ट १७ मा सेल्टा भिगोसँग खेल्दै रियलले यो सिजनको ला लिगाको सुरुवात गर्नेछ ।