एजेन्सी – सुपर स्टार नेयमारले यदि क्लब छाड्नै चाहेका हुन् भने उनलाई रोक्न नहुने उनकै टोलीका मिडफिल्डर मार्को भेराट्टीले बताएका छन् । पछिल्लो केहि समययता नेयमार पुनः बार्सिलोना फर्कने चर्चा चलिरहेको छ ।

यद्दपी एन्टोइन ग्रिजमन एट्लेटिको म्याड्रिडबाट बार्सिलोना पुगेयता नेयमारको सम्भावना केहि कम भएको विश्वास गर्नेहरुपनि छन् । दुई वर्षअघि १ सय ९० मिलियन पाउन्डमा पिएसजी पुगेका नेयमार पुनः बार्सिलोना फर्कन सक्ने सम्भावना रहेको दाबी गर्नेको संख्या पनि त्यत्तिकै छ ।

पिएसजी पुगेदेखि नै नेयमार टोलीमा असन्तुष्ट रहँदै आएको बारम्बार समाचारमा आएका छन् । पटक पटकको चोटका कारण उनले पनि सोचे अनुरुपको प्रदर्शन गर्न सकेका छ्रनन् । व्यक्तिगत रुपमा भेराट्टी नेयमार पिएसजीमा रहुन भन्ने चाहन्छन् । तर यदि खेलाडीको इच्छा जाने नै छ भने त्यस्तो अवस्थामा भने क्लबले रोक्न नहुने उनको तर्क छ ।

‘यदि कोहि खेलाडी साच्चै जान चाहन्छ भने उसलाई जान दिनु पर्दछ,’ उनले भने,‘ उनी जाने अवस्था भन्दा पक्कै दुःख लाग्छ । तर मैले अहिले सम्म उनले जान चाहेको सुचेको छैन । क्लबलाई उनले के भनेका छन् त्यो पनि मलाई थाहा छैन । तर व्यक्तिगत रुपमा म उनी यहि रहेको हेर्न चाहन्छु ।

के नेयमार पुन नोउ क्याम्प फर्कन्छन्, धेरैको जिज्ञासा हो हो । बार्सिलोनाले पनि उनलाई लिनु अघि सोच्नु पर्ने अवस्था छ । ला लिगा च्याम्पियनले ग्रिजमनसँगै फ्रेन्की डी जोङलाई भित्राइसकेको छ । त्यसले फाइनान्सियल फेयर प्लेलाई पनि टोलीले ध्यानमा राख्नु पर्ने अवस्था छ ।

यदि नेयमार ल्याउने अवस्थामा भने बार्सिलोनाले फिलिप्पे काउटिन्होलाई बेन्च सक्छ । १८ महिना अघि बार्सिलोना पुगेका काउटिन्हाले अपेक्षा अनुसारको प्रदर्शन गर्न सकेका छैनन् । ग्रिजमनको आगमनसँगै उनीमाथि दबाब थपिएको विश्वास गरिएको छ ।