एजेन्सी – कोपा अमेरिकामा खराब प्रदर्शन गरेपछि हाल छुट्टि मनाइरहेका बार्सिलोना सुपरस्टार लिओनेल मेस्सीमाथि विश्वप्रसिद्ध इबिजा बीचस्थित एक डिस्कोमा हातपातको प्रयास भएको छ ।

युरोपका लगभग सबै क्लब नयाँ सिजनको तयारीमा जुटेको अवस्थामा कोपा अमेरिकामा सहभागिता जनाएका अधिकांश खेलाडी अझैपनि छुट्टिमा छन् । केहि खेलाडी प्रशिक्षणमा जुटेको अवस्थामा मुख्य खेलाडीहरुलाई भने क्लबहरुले विश्राम नै दिएका छन् । बार्सिलोनाले पनि आफ्नो कप्तान मेस्सीलाई अझै केहि समय बिदा दिएको छ । तर छुट्टीमा रहेका मेस्सीका लागि आइतबार राती समस्या आइपर्यो ।

बार्सिलोनाकै फरवार्ड लुइस सुआरेज, पूर्व खेलाडी सेस फाब्रिगास लगायत खेलाडीसँग रमाइलो गरिरहेका मेस्सीलाई इबिजास्थित एक डिस्कोमा हातपातको प्रयास भएको छ । सामान्यतया संयमित प्रकृतिका मेस्सीमाथि एक मानिसले अपशब्द बोल्दै हातपात प्रयास गरेपछि मेस्सीले पनि जवाफमा झम्टिएका थिए । तर डिस्कोमा तैनाथ सुरक्षा गार्डले दुवै पक्षलाई छुट्ट्याए । प्रत्यक्षदर्शीका अनुसार मेस्सीलाई अपशब्द बोलेका समर्थक उनको कोपा अमेरिका प्रदर्शनलाई लिएर निराश रहेको बुझिएको छ ।

मेस्सीले बुधबारदेखि मात्र बार्सिलोनाको प्रशिक्षणमा सहभागिता जनाउने छन् । उनलाई क्लबले अर्को साता मात्र क्लबमा उपस्थित हुने छुट दिएपनि मेस्सीले केहि दिन अगाडी नै प्रशिक्षण जाने निर्णय गरेका हुन् ।

हेर्नुहोस् समर्थकले खिचेको मेस्सीको झगडाको भिडियो :

A guy in the Ibiza party tried to fight Messi, security stepped in as Messi was about to batter the guy pic.twitter.com/ZmV1kA80s7

— mx (@LeooMessi10i) July 28, 2019