एजेन्सी – बार्सिलोनाले नेयमारलाई क्लबमा भित्राउने प्रयासलाई अझै छाडेको छैन । पेरिस सेन्ट जर्मेन (पिएसजी) लाई फिलिप्पे काउटिन्हो दिनुका साथै केहि रकम तिरेर नेयमारलाई क्लब भित्राउने तयारीमा बार्सिलोना रहेको छ ।

नेयमारका ब्राजिलियन सहकर्मी काउटिन्हो पिएसजीलाई दिएर ६३ मिललियन पाउन्ड थप्ने योजनमा बार्सिलोना रहेको छ । नेयमार पिएसजी छाड्नेमा दृढ रहेपछि उनलाई भित्राउन बार्सिलोनाले प्रयास थालेको बताइएको छ । काउटिन्होलाई पठाएर रकम दिनु बार्सिलोनाले दुवैका लागि उत्तम विकल्प हुने मानेको अनुमान गरिएको छ ।

२७ वर्षे बाज्रिलियन सुपर स्टार नेयमारको क्लब छाड्ने निर्णयलाई पिएसजीले पनि स्वीकार गरेको छ । दुई वर्षअघि पिएसजीले विश्व कीर्तिमानी रकम १ सय ९८ मिलियन पाउन्ड बार्सिलोनाबाट किनेको थियो ।

एट्लेटिको म्याड्रिडबाट एन्टोइन ग्रिजमनलाई १ सय ८ मिलियन पाउन्डमा किनेपछि बार्सिलोनाले फाइनान्सियल फेयर प्लेका आधारमा अब धेरै रकम खर्च गर्ने अवस्था छैन । त्यसैले अर्को बाटोका रुपमा बार्सिलोनाले काउटिन्होलाई पठाउने विकल्प तयार पारेको छ ।

लिभरपुलका पूर्व स्टार कोउटिन्हो २०१८ को जनवरीमा बार्सिलोना पुगेका थिए । त्यहाँ पुगेयता ७६ खेलमा उनले २१ गोल गरेका छन् । यसैबीच, नेयमार गत सोमबार पिएसजीको प्रि सिजन अभ्यासमा फर्केका छन् । ब्राजिलमा फाइभ ए साइड फुटबल खेलेका कारण नेयमार ढिला गरि क्लबको अभ्यासमा पुगेका थिए ।