काठमाडौं – झन्डै छ महिनापछि अनिल गुरुङले राष्ट्रिय फुटबल टोलीको कप्तानी गर्ने भएका छन् । गत बर्ष पुसमा भारतमा भएको साफ च्याम्पियनसिप नेपाली टोलीको नेतृत्व गरेका अनिल टोलीबाट हटाइएका थिए । माघमा बंगलादेशमा बंगबन्धु गोल्डकप जित्दा अनिललगायत केही सिनियर खेलाडी टोलीमा अटेनन् । आइतबार लाओससँग हुने मैत्रीपूर्ण खेलका लागि उनीसँगै किरण चेम्जोङ, भरत खवास जस्ता खेलाडीले पनि पुनरागमन जनाएका छन् । टोली शुक्रबार लाओसतर्फ लागेको छ ।

लाओस प्रस्थान गर्नुअघि विदाईका क्रममा नेपाली फुटबल टोली ।

अखिल नेपाल फुटबल संघ (एन्फा) ले टोलीको विदाइ गेको थियो । राष्ट्रिय खेलकुद परिषद् (राखेप) का सदस्य सचिव केशवकुमार विष्टले टोलीको विदाइ गरेका थिए । विष्टले राष्ट्रि टोलीका फरवार्ड विमल घर्तीमगरको बहिनीको मृत्युको खबरले आफूलाई दुःखी बनाएको बताए । नेपाली टोली दिउसो लाओसका लागि उडेको थियो भने विमल बिहानमात्र बेल्जियमबाट स्वदेश फर्केका थिए । बिहीबार बहिनी मनिषा घरमा मृत फेला परेपछि बेल्जियम यात्रा छोट्याएर विमल घर फर्केका थिए ।

लाओसविरुद्धको राष्ट्रिय फुटबल टोली

गोलकिपर – किरण चेम्जोङ, विकेश कुथु

रक्षक – रविन श्रेष्ठ, अनन्त तामाङ, आदित्य चौधरी, देवेन्द्र तामाङ, कमल श्रेष्ठ, विराज महर्जन

मिडफिल्ड – प्रकाश बुढाथोकी, सुजल श्रेष्ठ, हेमन गुरुङ, विक्रम लामा, विशाल राई, राजेन्द्र रावल, अन्जन विष्ट, जगजित श्रेष्ठ

फरवार्ड – भरत खवास, नवयुग श्रेष्ठ, अनिल गुरुङ, सुनिल बल

मुख्य प्रशिक्षक – कोजी ग्योटुकु

प्रशिक्षक – राजुकाजी शाक्य

व्यवस्थापक – विराजजंग शाही

चिकित्सक – राजु डंगोल महर्जन

अफिसियल – राजेश श्रेष्ठ, राजेशराम श्रेष्ठ, कर्मा गुरुङ र प्रभात शाह