एजेन्सी– यसै सिजन रियल म्याड्रिडमा आबद्ध भएका इडन हाजार्ड पहिलो पटक टोली प्रि सिजन प्रशिक्षणमा सामेल भएका छन् । चेल्सीबाट यहि सिजन १ सय ५० मिलियन पाउन्डमा हाजार्ड स्पेनिस क्लब पुगेका थिए ।

वर्षौ देखिको चर्चाका वावजुद हाजार्ड जुनमा स्पेनिस सफल टोली रियल पुगेका थिए । बेल्जियमका अन्तर्राष्ट्रिय सुरुवात देखि नै जिनेदिन जिदानको रोजाईमा थिए । लुका जोभिच, फ्रेल्यान्ड मेन्डी, इडर मिलिटियो र रोड्रेगो यो सिजन रियमा आबद्ध भएका छन् । पहिलो पटक रियलको प्रशिक्षक भएपछि जिदानले लगातार तीन पटक रियललाई च्याम्पियन्स लिग उपाधि दिलाएका थिए ।

कप्तान सर्जियो रामोस पनि प्रशिक्षणमा सामेल भएका छन् । चाइनिज सुपर लिग क्लबमा ठूलो रकममा जाने हल्लाका वावजुद रामोस रियलमै रहने भएका छन् । गेराथ बेल पनि टोलीको अभ्यासमा फर्केछन् । यद्दपी, जिदानले वेल्स अन्तर्राष्ट्रिय चाहेको खण्डमा क्लब छाड्न सक्ने बताउँदै आएका छन् र फिटनेस र अन्य परिक्षण गर्नुअघि सबै खेलाडी क्लबको मेडिकल सेन्टरमा पुगेका थिए । रियलको गत सिजन निकै कमजोर रहेको थियो । तेस्रो स्थानमा लिगाको अन्त्य गरेको रियल च्याम्पियन बार्सिलोना भन्दा १९ अंकले पछाडि थियो ।

पाँच सिजन रियलको खेलाडी रहेका जिदानले प्रशिक्षकका रुपमा दोस्रो कार्यकाल मार्चमा सुरु गरेका थिए । जिदानले गत सिजनको अन्त्यसँगै रियल छाडेका थिए । उनीपछि जुलेन लोपेटेगुईले टोलीको कमान सम्हाले ।

बार्सिलोनासँग ५–१ ले पराजित भएपछि क्लबले उनलाई बर्खास्त गर्यो । उनको ठाँउमा सान्टियागो सोलारी प्रशिक्षक बने । जिदान उनका सहकर्मी थिए । मार्चमा जिदानले क्लब सम्हाल्नुअघि सम्म सोलारीले हेरेका थिए ।