एजेन्सी – नाइजेरियालाई पछि पार्दै माडागास्कर समूह ‘बी’ बाट समूह विजेताको रुपमा प्रि–क्वाटरफाइनलमा पुग्न सफल भएको छ । समूह चरणको अन्तिमा खेलमा माडागास्करले नाइजेरियालाई २–० ले पछि पार्दै समूह विजेताको रुपमा अन्तिम १६ मा पुग्न सफल भएको हो ।

माडागास्कर अपराजित रहँदै समूह विजेता बन्न सफल भएको हो । पराजित भएपनि नाइजेरियाले समूह उपविजेताको रुपमा नकआउट चरणमा स्थान बनाउन सफल भयो । नाइजेरियाले समूहमा पहिलो हार बेहोरेको हो ।

एलेक्ससान्दिरा स्टेडियममा आइतबार राति भएको खेलमा माडागास्करको सहज जितमा लालइना नोमेन्जानहरि र कार्लस् एन्ड्रिमाहिटसिनिरोले गोल गरे ।

खेलको १३औं मिनेटमा लालइनाको गोलबाट माडागास्करले खेलमा अग्रता बनाएको थियो । ५३औं मिनेटमा कार्लसले गोल गर्दै माडागास्करको २–० को जित पक्का गरे ।

अपराजित रहेको माडागास्करले ३ खेलबाट ७ अंक जोड्यो । हारपछि नाइजेरियाले ६ अंक जोड्यो । गिनियाले ४ तथा बुरुन्डी अंकविहीन बन्यो ।

यही समूहको अर्काे खेलमा गिनियाले १० खेलाडीमा समेटिएको बुरुन्डीलाई २–० ले पराजित ग¥यो । गिनियाको जितमा मोहम्मेद याताराले दुवै गोल गरे । बुरुन्डीको खेलको १२औं मिनेटमा १० खेलाडीमा समेटिन पुगेको थियो । बुरुन्डीका क्रिस्टोफे सिधै रातो कार्ड खादै मैदानबाट बाहिरिएका थिए ।