क्यामरुन र घानाको बराबरी

एजेन्सी – अफ्रिका कप अफ नेसन्समा समुह ‘एफ’ मा क्यामरुन र घानाले गोलरहित बराबरी खेल्दै अंक बाँडेका छन् ।

इस्माइलिया स्टेडियममा दुवै टोलीले पाएको मौलाई सदुपयो गर्न नसक्दा गोलरहित बराबरी खेल्न बाध्य बनेको हो । बराबरीसँगै क्यामरुन २ खेलबाट ४ अंक जोडेर शीर्षस्थानमा रहेको छ ।घाना २ खेलबाट २ अंक जोड्दै तेस्रो स्थानमा रहेको छ ।

यो समूहको अर्काे खेलमा बेनिन र गिनिया बिसाउले पनि गोलरहित बराबरी खेल्दै अंक बाँडे । बराबरीसँगै बेनिन २ खेलबाट २ अंक जोडेर दोस्रो स्थानमा तथा गिनिया १ अंक जोडेर पुछारमा छ । यो समूहबाट सबै चार टोलीको प्रि–क्वाटरफाइनल पुग्ने सम्भावना रहेको छ ।

समूह ‘इ’ मा मौरीतानिया र अंगोलाले पनि गोलरहित बराबरी खेल्दै अंक बाँडेका छन् । लगातार २ बराबरी खेलेको अंगोला २ अंक जोडेर तेस्रो स्थानमा रहेको छ । मौरीतानिया १ अंकसहित पुछारमा रहेको छ । माली ४ अंकसहित शीर्षस्थानमा तथा ट्युनिसिया २ अंक जोडेर दोस्रो स्थानमा रहेको छ ।