विगत लामो समयदेखि राष्ट्रिय टोलीमा युवा अनुहार देखिदै आएकोमा यो पाली भने अनुभवी खेलाडीहरुको नाम पनि टोलीमा देखियो|

प्रशिक्षणका दौरान कप्तान अनिल गुरुङ, उपकप्तान बिराज महर्जन र राजेन्द्र रावल

जापानिज प्रशिक्षक ग्योतोकु कोजिले प्रशिक्षणको जिम्मा सम्हालेको केहि हप्तामै नेपालले मलेसियाको युवा टोलिसंग मैत्रीपूर्ण खेल खेलेको थियो र सो समयमा उनले अनुभवी खेलाडी भन्दा युवालाई मौका दिएका थिए| तर राष्ट्रिय टोलीले लाओसको सिनिअर टोलिसंगै खेल खेल्ने भएकाले २० खेलाडी छनोटमा युवा भन्दा अनुभवी खेलाडीले मौका पाएका छन्|

प्रशिक्षणका क्रममा चोट बोकेका रन्जन बिष्ट टोलीमा अटाएनन् भने साग विजेता सुमन लामा, दिनेश राजबंशी र मान बहादुर तामाङ पनि टोलीमा छैनन्| यस्तै मलेसियाको युवा टोलीसंग खेल्ने टोलीमा रहेका गोलरक्षक विशाल श्रेष्ठ, विश्वास श्रेष्ठ, विजय धिमाल, रजिन धिमाल, टोलीमा परेनन्|

यसपालीको टोलीमा अनिल गुरुङ, बिक्रम लामा र राजेन्द्र रावल थपिएका छन् भने अनन्त, अन्जन र आदित्यको पनि पुनरागमन भएको छ| ३०औं वसन्त छुन लागेका राजेन्द्र र अनिल मलेसिया जाने टोलीको प्रारम्भिक टोलीमा रहे पनि अन्तिम टोलीमा भने थिएनन्|

नेपाली टोलीः

गोलरक्षकः किरण चेम्जोङ, विकेश कुथु

डिफेन्डरः विराज महर्जन, देबेन्द्र तामाङ, कमल श्रेष्ठ, रबिन श्रेष्ठ, अनन्त तामाङ्, आदित्य चौधरी

मिडफिल्डरः बिक्रम लामा, राजेन्द्र रावल, जगजित श्रेष्ठ, विशाल राई, हेमन गुरुङ, प्रकाश बुढाथोकी, अन्जन बिष्ट, सुजल श्रेष्ठ

फरवार्डः भरत खवास, नवयुग श्रेष्ठ, सुनिल बल, अनिल गुरुङ्

मुख्य प्रशिक्षकः ग्योटुकी कोजी

प्रशिक्षकः राजुकाजी शाक्य

व्यवस्थापकः विराट जंग शाही