एजेन्सी – कोपा अमेरिका २०१९ अन्तर्गत उपाधिका दुई प्रमुख दावेदार टोली ब्राजिल र अर्जेन्टिनाको फाइनल अगावै भेट हुने भएको छ ।

मंगलबार सम्पन्न समूह चरणका खेलपछि निस्केको समीकरण अनुसार दुवै टोली सेमिफाइनलमा अनि एक आपसमा भिड्ने भएका हुन् । ब्राजिलले क्वाटरफाइनलमा पाराग्वेसँग खेल्दैछ भने अर्जेन्टिनाले भेनेजुएलाको सामना गर्दैछ । दुवै टोलीले जित दर्ता गरेमा फाइनल प्रवेशका निम्ति आमनेसामने हुनेछन् ।

समूह ‘ए’ बाट ब्राजिल विजेता र भेनेजुएला उपविजेता बन्दै ४ अंक जोडेको पेरु तेस्रो स्थानमा रहयो । समूह ‘बी’ बाट कोलोम्बिया शत प्रतिशत जितसहित पहिलो र अर्जेन्टिना दोस्रो स्थानमा रहँदा २ अंक जोडेको पाराग्वे तेस्रो स्थानमा रहयो । समूह ‘सी’ मा उरुग्वे शीर्षस्थानमा रहँदा चिली दोस्रो स्थानमा रहयो । जापान २ अंक जोडेपनि गोल अन्तरमा पाराग्वेभन्दा पछाडी रहयो ।

क्वाटरफाइनलका खेलहरु:
क्वाटरफाइनल १ – ब्राजिल विरुद्ध पाराग्वे
क्वाटरफाइनल २ – कोलोम्बिया विरुद्ध चिली
क्वाटरफाइनल ३ – भेनेजुएला विरुद्ध अर्जेन्टिना
क्वाटरफाइनल ४ – उरुग्वे विरुद्ध पेरु

सेमिफाइनल :
ब्राजिल/पाराग्वे विरुद्ध भेनेजुएला/अर्जेन्टिना
कोलोम्बिया/चिली विरुद्ध उरुग्वे/पेरु

यो पनि : नेपाली समयअनुसार खेल हुने मिति र समय हेर्नुहोस्