एजेन्सी – कोपा अमेरिका २०१९ को समूह चरणका खेलहरु समाप्त भएका छन् । यससँगै क्वाटरफाइनल पुग्ने ८ टोलीको छिनोफानो पनि भएको छ ।

मंगलबार विहान भएको खेलमा उरुग्वेले चिलीलाई १-० ले हराउँदै समूह ‘सी’ को विजेताको रुपमा क्वाटरफाइनलमा स्थान पक्का गर्यो । यता जापान भने १-१ को बराबरीमा रोकिएपछि समूह चरणबाट बाहिरिएको छ । तेस्रो स्थान हासिल गर्ने उत्कृष्ट दुई टोलीका रुपमा पेरू र पाराग्वे अगाडी बढेका छन् ।

समूह ‘ए’ बाट ब्राजिल विजेता र भेनेजुएला उपविजेता बन्द ४ अंक जोडेको पेरु तेस्रो स्थानमा रहयो । समूह ‘बी’ बाट कोलोम्बिया शत प्रतिशत जितसहित पहिलो र अर्जेन्टिना दोस्रो स्थानमा रहँदा २ अंक जोडेको पाराग्वे तेस्रो स्थानमा रहयो । समूह ‘सी’ मा उरुग्वे शीर्षस्थानमा रहँदा चिली दोस्रो स्थानमा रहयो । जापान २ अंक जोडेपनि गोल अन्तरमा पाराग्वेभन्दा पछाडी रहयो ।

क्वाटरफाइनलका खेलहरु:
क्वाटरफाइनल १ – ब्राजिल विरुद्ध पाराग्वे

क्वाटरफाइनल २ – कोलोम्बिया विरुद्ध चिली
क्वाटरफाइनल ३ – भेनेजुएला विरुद्ध अर्जेन्टिना
क्वाटरफाइनल ४ – उरुग्वे विरुद्ध पेरु

सेमिफाइनल :
ब्राजिल/पाराग्वे विरुद्ध भेनेजुएला/अर्जेन्टिना
कोलोम्बिया/चिली विरुद्ध उरुग्वे/पेरु

यो पनि : नेपाली समयअनुसार खेल हुने मिति र समय हेर्नुहोस्