एजेन्सी – विश्व फुटबलका सुपरस्टार लिओनेल मेस्सीको कप्तानीमा रहेको अर्जेन्टिना ब्राजिलमा जारी कोपा अमेरिका २०१९ मा संघर्ष गरिरहेको छ । सुरुवाती दुई खेलमा अपेक्षित नतिजा निकाल्न नसक्दा टोली समूहको पुछारमा रहेको छ

पहिलो खेलमा अर्जेन्टिना कोलोम्बियासँग २-० ले पराजित भएको थियो । दोस्रो खेलमा पाराग्वेसँग १-१ को बराबरीमा रोकिँदा खेलको एकमात्र गोल लिओनेल मेस्सीले पेनाल्टीमार्फत गरेका थिए । दुवै खेलमा अर्जेन्टिनाले ओपन प्लेमा गोल गर्न सकेको छैन । प्रशिक्षक लिओनेल स्कालोनीले पनि टोलीको क्वाटरफाइनलमा पुग्ने सम्भावना जीवित रहनुलाई टोलीको भाग्य रहेको बताएका छन् ।

अर्जेन्टिनाले समूहको अन्तिम खेलमा आइतबार कतारसँग खेल्दैछ । समूह ‘बी’ बाट लगातार दुई जितसँगै कोलोम्बियाले क्वाटरफाइनलमा स्थान पक्का गरिसकेको छ । यस्तो अवस्थामा अर्जेन्टिनासँग समूह उपविजेता हुने सम्भावना पनि छ । पाराग्वेको २ खेलमा २ अंक छ भने कतार र अर्जेन्टिनाको १-१ अंक छ । गोलअन्तरमा कतारले अर्जेन्टिनालाई पछाडी पारेको छ ।

अर्जेन्टिनाको जित :

अर्जेन्टिनाले कतारलाई पराजित गरेको खण्डमा टोलीको क्वाटरफाइनलमा प्रवेश गर्नेछ । यद्यपी अर्जेन्टिनाले समूह उपविजेता नभएर उत्कृष्ट दुई तेस्रो स्थानका टोलीका रुपमा अर्को चरणमा स्थान बनाउने सम्भावना रहनेछ । तेस्रो स्थानमा रहेर क्वाटरफाइनलमा प्रवेश गरेमा अर्जेन्टिनाको भेट ब्राजिलसँग पर्ने सम्भावना बलियो छ । यसका लागि पराग्वेले कोलोम्बियालाई पराजित अथवा बराबरीमा रोक्नुपर्नेछ ।

अर्जेन्टिनाको बराबरी :

अर्जेन्टिना कतारसँग बराबरीमा रोकिएपनि अर्को चरणमा पुग्ने सम्भावना जीवित रहनेछ । यसका लागि पाराग्वेले कोलोम्बियासँग ३ गोल वा सोभन्दा बढीले पराजित हुनुपर्नेछ । यसका साथै समूह सी मा इक्वेडर र जापानको खेल पनि बराबरीमा सकिनुपर्नेछ । जापानले जित दर्ता गरे अथवा पराग्वेले अनुकुल नतिजा ननिकाले भने अर्जेन्टिना बाहिरिनेछ ।

अर्जेन्टिनाको हार :

कतारसँग पराजित भएको खण्डमा भने अर्जेन्टिना प्रतियोगिताबाट बाहिरिनेछ ।

यो पनि : ‘कतारका खेलाडी मेस्सीसँग सेल्फी खिच्न आएका हैनन्’ – प्रशिक्षक सान्चेज

यो पनि : नेपाली समयानुसार कोपा अमेरिकाको खेल तालिका