युनाइटेड (एजेन्सी) – एएफए कप जितेको दुई दिनपछि सोमबार म्यानचेस्टर युनाइटेडले लुइस भान गाललाई प्रशिक्षकबाट बर्खास्त गरेको छ । उनको उत्तराधिकारीका रुपमा चेल्सीका पूर्व प्रशिक्षक होजे माउरिन्हो नियुक्त हुने भएका छन् । तीन बर्षे सम्झौतामा दुई बर्षअघि युनाइटेडमा आबद्ध नेदरल्यान्डसका पूर्व प्रशिक्षक भान गालले एक बर्षको क्षेतिपूर्तिका रुपमा ६४ लाख पाउन्ड पाउने बताइएको छ ।

लुइस भान गाल

युनाइटेडका अफिसियलसँग मंगलबार हुने छलफलपछि माउरिन्होलाई औपचारिक रुपमा नयाँ प्रशिक्षक घोषणा गर्ने उल्लेख गरिएको छ ।
भान गालको सहायक रुपमा रहेका क्लबका पूर्व स्टार रायन गिग्स आउने दिनमा कुन भूमिकामा रहने भन्ने अझै प्रष्ट भएको छैन ।
शनिबारमात्र क्रिस्टल प्यालेसलाई हराउँदै युनाइटेडलाई एएए कप दिलाएका भान गालको क्लबका लागि त्यो नै अन्तिम खेल बनेको छ । पछिल्लो तीन बर्षमा युनाइटेडको त्यो पहिलो उपाधि थियो ।
च्याम्पियन्स लिगको समूह चरणबाट बाहिरिएको युनाइटेड अर्को सिजन च्याम्पियन्स लिगका लागि पनि छनोट हुन असफल भएपछि भान गाल यसअघि नै बर्खास्त हुने चर्चा चलेको थियो । युनाइटेडले पाँचौ स्थानमा रहँदै प्रिमियर लिगको अन्त्य गरेको थियो ।
दुई बर्षअघि नेदरल्यान्ड्ुलाई ब्राजिलमा सम्पन्न विश्वकपमा तेस्रो बनाए लगत्तै भान गालले युनाइटेडको कमान सम्हालेका थिए ।