एजेन्सी – भेनेजुएला र पेरुले कोपा अमेरिका कप फुटलबमा बराबरी खेल्दै अंक बाँडेका छन् । पोर्टाेमा शनिबार राति भएको प्रतिस्पर्धात्मक खेलमा दुवै टोलीले गोल गर्ने केही मौका खेर फाल्दा अंक बाड्न बाध्य बनेको हो ।

पेरुका दुई खेलाडी क्रिस्टोफोर गोन्जालेस र जेफर्सन फरफानले गोलले भिडियो असिस्टेन्ट रेफ्री (भिएआर) बाट मान्यता नपाउदा बराबरीमा रोकिन पुग्यो ।

खेलको ११औं मिनेटमा क्रिस्टोफर गोन्जालेसको गोलले भिएआरको मान्यता पाए । १९औं मिनेटमा जेफर्सन फरफानले अर्काे गोल गरेपनि भिएआरको मान्यता नपाउदा अग्रता लिनबाट चुक्यो ।

त्यसपछि दोस्रो हाफमा दुवै टोलीले गोलको प्रयास गरेपनि गोल गर्न असफल हुदा बराबरीमा रोकिन पुगे । ७५औं मिनेटमा लुइस डेल पिनो दोहोरो पहेंलो कार्ड खादै मैदान बाहिरिएपछि भेनेजुएला १० खेलाडीमा समेटिएको थियो । तर, त्यसको फाइदा पेरुले उठाउन सकेन ।

बराबरीसँगै दुवै टोलीले समुह ‘ए’ मा समान १ अंक जोड्न सफल भए । यो समूहमा ब्राजिल ३ अंक जोडेर शीर्षस्थानमा रहेको छ । ब्राजिलले शनिबार बिहान बोलिभियालाई ३–० ले पराजित गरेको थियो ।
अब पेरुले बोलिभियासँग तथा भेनेजुएलाले मंगलबारै आयोजक ब्राजिलको सामना गर्नेछ ।