एजेन्सी – कोपा अमेरिका २०१९ को उद्घाटन खेलमा घरेलु टोली ब्राजिलले बोलिभियाको सामना गर्दैछ । नेपाली समयानुसार खेल सोमबार विहान ६:१५ बजे सुरु हुनेछ ।

ब्राजिल घरेलु मैदानमा १२ वर्ष लामो उपाधिको प्रतिक्षालाई पूरा गर्न चाहन्छ । तर चोटका कारण सुपरस्टार नेयमार बाहिरिनुले टोलीलाई केहि असर परेको छ । कागजमा हेर्दा ब्राजिल निकै बलियो टोली देखिन्छ । प्रशिक्षकटिटेले जिम्मेवारी सम्हालेयता ब्राजिलले निकै राम्रो प्रदर्शन गर्दै आएको छ । बोलिभियाविरुद्ध ब्राजिललाई सहज जित दर्ता गर्दै सुखद सुरुवात गर्ने लक्ष्य हुनेछ ।

यो पढ्नुहोस : नेयमारबिना ब्राजिलले उपाधि जित्ने ३ कारण

हालसम्म ब्राजिल र बोलिभियाले २९ खेल खेलेका छन् । जसमा ब्राजिलले २० खेल जितेको छ भने बोलिभिया ५ खेलमा विजयी रहेको छ । ४ खेल बराबरीमा सकिएका छन् । ब्राजिलले खेलेका पछिल्लो ५ खेलमा ४ जित र १ बराबरी खेलेको छ । यता बोलिभिया भने पछिल्ला ५ खेलमा जितविहिन रहँदै ३ हार र २ बराबरीको नतिजा रहेको छ ।

सम्भावित सुरुवाती ११ :

ब्राजिल – एलिसन, थियागो सिल्भाम मार्किन्हस, एलेक्स स्यान्ड्रो, ड्यानी आल्भेस, क्यसेमिरो, आर्थर, डेविड नेरेस, फिलिपे कोउटिन्हो, रिचार्लीसन, ग्यब्रीएल जेसस

बोलिभिया – रुबेन कोर्डानो, लुइस हाकिन, डिएगो बेजारानो, मर्भिन बेजरानो, एड्रियान जुसिनो, आल्हान्द्रो कुमचेरो, एर्विन सवेद्र, लिओनेल जस्टिनानो, स्यामुएल गलिन्दो, राउल क्यास्ट्रो, गिल्बर्ट अल्भारेज

यो पढ्नुहोस : नेपाली समयमा कोपा अमेरिकाको सम्पूर्ण खेल तालिका