नुवाकोट (हाम्रो खेलकुद) – लक्ष्मण रुचालको दुई गोलसँगै सिएमजी क्लब संकटाले ‘ए’ डिभिजन प्रतिद्धन्द्धी विभागीय त्रिभुवन आर्मी क्लबलाई पराजित गर्दै दोस्रो संस्करणको नुवाकोट गोल्ड कप फुटबल प्रतियोगिताको सेमिफाइनलमा प्रवेश गरेको छ ।

रुचालको दुई गोलसँगै संकटाले उपाधिको दावेदार विभागीय त्रिभुवन आर्मी क्लबलाई २–० ले पराजित गर्दै अन्तिम चारमा पुग्न सफल भएको हो ।

नुवाकोट बट्टारस्थित बट्टार बहुमुखी क्याम्पसको खेल मैदानका शनिबार भएको प्रतिस्पर्धात्म कबनेको पहिलो हाफ गोलरहित बराबरीमा सकिएको थियो । तर, दोस्रो हाफको शुरुमै लक्ष्मण रुचालले गोल गर्दै संकटालाई १–० ले अघि बढाए । रुचालले खेलको ५०औं मिनेटमा गोल गरेका थिए ।

इन्ज्युरी समयमा रुचालले नै अर्को गोल थप्दै संकटालाई २–० को जित दिलाए । निकै प्रतिस्पर्धात्मक खेलमा पाएको मौकाको सदुपयोग गर्न नसक्दा आर्मी पहिलो खेलबाटै घर फर्कनु परेको हो ।

पहिलो हाफ गोलरहित बराबरीमा सम्पन्न भएको खेलमा आर्मीले आफ्नो दबदवा कायम गरेपनि गोल गर्न सकेन । दुई गोल गरेका रुचाल नै खेलको म्यान अफ दि म्याच घोषित भए । उनले नगद १० हजार र ट्रफी हात पारे ।

संकटाले फाइनल प्रवेशको लागि मनाङ र च्यासल क्लबबीचको विजेतासँग प्रतिस्पर्धा गर्नेछ । प्रतियोगिता अन्तरगत आइतबार दुई विभागीय टोली पुलिस र नेपाल एपीएफ क्लबबीच खेल हुनेछ ।
प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्

रतियोगिता आगामी जेठ ३१ गतेसम्म सन्चालन हुने बताइएको छ । प्रतियोगिता अन्र्तगत शनिबार विभागिय टोली नेपाल आर्मी क्लब र संकटा क्लबबीच दोस्रो क्वाटरफाइनल खेल हुनेछ ।