विदुर (हाम्रो खेलकुद) – घरेलु टोली नुवाकोट–११ नुवाकोटमा जारी दोस्रो नुवाकोट गोल्डकप फुटवल प्रतियोगिताको सेमिफाइनलमा प्रवेश गरेको छ ।

नुवाकोटले १० खेलाडीमा समेटिएको विजय युथ क्लब हेटौडालाई २–१ ले पराजित गर्दै अन्तिम चारमा पुग्न सफल भएको हो । नुवाकोटको जितमा दुवै गोल रोमियोले गरे । विजयका लासग यामिक वानलले एक गोल फर्काए ।

खेलको शुरुवात देखिनै विजय युथ हेटौडालाई दबाबमा राख्दा खेलको पाँचौ मिनेटमा रोमियाको गोलबाट घरेलु टोलीलाई अग्रता दिलाए । ४२औं मिनेटमा विजय युथ १० खेलाडीमा समेटिएको थियो । त्यसको फाइदा घरेलु टोलीले भरपुल रुपमा उठाउन सकेन । ओका वोटाले खराव ट्याकल गरेपछि उनी दोस्रो पहेँलो कार्ड व्यहोर्दै मैदानमा छाड्न बाध्य भए ।

५२औं मिनेटमा रोमियोले व्यक्तिगत दोस्रो गोल गर्दै घरेलु टोलीलाई २–० को अग्रता दिलाए । १० खेलाडीमा सिमित विजय युथले दोस्रो हाफमा पुनरागमन गदै घरेलु टोलीलाई दबावमा राखेको थियो ।

फलस्वरुप विजय युथको लागि खेलको ७१ औ यामिक वानलले गोल गर्दै गोल अन्तर घटाएका थिए । तर, त्यसपछि थप गोल निस्कन नसक्दा नुवाकोट २–१ ले विजयी हुन सफल भयो ।खेलको म्यान अफ दि म्याच नुवाकोट ११ को लागि २ गोल गरेका रोमियो घोषित भए । उनले १० हजार रुपैयाँ हात पारे ।

सेमिफाइनल प्रवेश गरेको नुवाकोट ११ ले फाइनल प्रवेशको लागि विभागिय टोलीहरु नेपाल पुुलिस क्लब र शसस्त्र प्रहरीको एपिएफसँग बुधबार प्रतिस्पर्धा गर्नेछ ।

प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्रतियोगिता आगामी जेठ ३१ गतेसम्म सन्चालन हुने बताइएको छ । प्रतियोगिता अन्र्तगत शनिबार विभागिय टोली नेपाल आर्मी क्लब र संकटा क्लबबीच दोस्रो क्वाटरफाइनल खेल हुनेछ ।