एजेन्सी – अतिरिक्त समयमा उपाधिका दावेदारको रुमा हेरिएको इंग्ल्यान्डलाई पराजित गर्दै नेदरल्यान्ड युइएफए नेसन्स लिगको फाइनलमा प्रवेश गरेको छ ।

पोर्चुगलमा बिहीबार राति भएको खेलमा नेदरल्यान्डलाई इंग्ल्यान्डलाई अतिरिक्त समयमा ३–१ ले पराजित गर्दै फाइनलमा घरेलु टोली पोर्चुगलसँगको भेट पक्का गरेको हो ।

पोर्चुगलले बुधबार राति स्वीट्जरल्यान्डलाई ३–१ ले पराजित गर्दै फाइनलमा स्थान बनाएको थियो । फाइनल १० जुनमा हुनेछ ।

निर्धारित समयको खेल १–१ गोलको बराबरीमा सकिएपछि खेल अतिरिक्त समयमा धकेलिएको थियो । अतिरित्त समयमा नेदरल्यान्डले दुई गोल गर्दै फाइनल यात्रा तय गरे ।

खेलको ३२औं मिनेटमा इंग्ल्यान्डले मार्कुस रोसफोर्डको पेनाल्टी गोलबाट अग्रता बनाएको थियो । एक गोलले पछि परेको नेदरल्यान्डले इंग्ल्यान्डलाई दवावमा राखेपनि बराबरी गोलको लागि ७३औं मिनेट कुर्नुपरेको थियो ।

७३औं मिनेटमा म्याथ्थिज डि लिटले बराबरी गोल फर्काउदै नेदरल्यान्डलाई खेलमा फर्काएका थिए । निर्धारित समयको खेल १–१ गोलको बराबरीमा सकिएपछि खेल अतिरिक्त समयमा धकेलिएको थियो ।

९७औं मिनेटमा केल वाल्करले गोल गर्दै नेदरल्यान्डलाई २–१ ले अघि बढाए । ११४औं मिनेटमा वैकल्पिक खेलाडी क्वीन्सी प्रोमेसले गोल गर्दै नेदरल्यान्डलाई ३–१ को जित दिलाउदै फाइनल यात्रा तय गराए ।